Baro Qaab Fudud oo adigoo Gurigaaga Joogo aad lacag Xalaal ah Ku sameyn kartid, Waa Maxaay Adeegga Forex? [Warbixin+Video].

Tuesday January 22, 2019 - 12:09:34 in Wararka by Liibaan Jeexoow
  • (Rating 0.0/5 Stars) Total Votes: 0
  • 1 1
  • Share via Social Media

    Baro Qaab Fudud oo adigoo Gurigaaga Joogo aad lacag Xalaal ah Ku sameyn kartid, Waa Maxaay Adeegga Forex? [Warbixin+Video].

    Maalmihii lasoo dhaafay waxaa guud ahaan Soomaaliya gaar ahaan magaalada Muqdishu kusoo kordhay ganacsi cusub oo lagu magacaabo FOREX Trade afka Soomaaliga ahna lagu yiraahdo Sarrifka lacagaha qalaad ee Internetka,hadaba waxaan akhristayaasheena uso

    Share on Twitter Share on facebook Share on Digg Share on Stumbleupon Share on Delicious Share on Google Plus

Maalmihii lasoo dhaafay waxaa guud ahaan Soomaaliya gaar ahaan magaalada Muqdishu kusoo kordhay ganacsi cusub oo lagu magacaabo FOREX Trade afka Soomaaliga ahna lagu yiraahdo Sarrifka lacagaha qalaad ee Internetka,hadaba waxaan akhristayaasheena usoo gudbineynaa sharraxaad kooban oo ku saabsan ganacsiga Forex Trade.


Waa maxay Forex?

Foreign Exchange Trade waxaa sidoo kale loo yaqaan Forex ama FX, waa ganacsi caalami ah oo ku saabsan sarrifka lacagaha qalaad ganacsigaan wuxuu maalinkasta kala wareejiya lacag dhan 5.3 Trillion, waa ganacsiga ugu ballaaran xagga dhaqaallaha caalamkoo dhan.

Dadka ku lugta leh ganacsigaan waxey isugu jiraan sharikado heysta ballaayin Dollar iyo shaqsiyaad heysta boqolaal dollar.


Sidee loo bilaabaa FOREX?

Si aad uga mid noqoto shaqsiyaadka iyo sharikadaha ka shaqeysta sarrifka lacagaha caalamka kaliya waxaad u baahantahay inaad heysato Computer ku xiran Internetka isla markaasna aad xisaab ama Accounti ka furato waxa loo yaqaano ‘ FOREX BROKER.
Sidee u shaqeeya FOREX?.

Ganacsigaan waxaa lagu kala badalaa lacagaha qalaad markaad joogto FOREX waxa kaliya ee muhiimadda leh waa inta ay is dheeryihiin lacagaha la isku sarrifayo, iimaha wax lagu sarrifayo waxaa ku dhici kara is badal degdeg ah, waxaa suurtagal ah in hal daqiiqo gudihiis uu dhowr jeer isbadalo sidaas darteed 24 ka saac dhowr jeer ayuu is badalaa.

Suuqaan wuxuu shaqeeya isbuuc kasta 5 maalmood oo kaliya guud ahaan, is dheeraanshaha xaddiga lacagaha la isku sarifayaa wuxuu sawir ka bixinayaa fiicnaanshaha dhaqaalaha wadanka lacagtaas iska leh tusaale ahaan kolkii dhaqaalaha reer Yurub uu fiicanyahay waxaa sare u kaceysa lacagtooda ‘Euro’-ga, haddii dhaqaalaha mareykanku uu fiicanyahay Dollarka ayaa sare maraya, sidaas darteed hadba wadankii dhaqaalihiisu fiicanyahay ayey lacagtiisu kor u kaceysaa.




Sidee lacag looga sameeya FOREX?


Ganacsigaan wuxuu leeyahay wax layiraahdo BUY RATE iyo SELL RATE Oo aan Afsoomaali ahaan u adeegsan doono XADDIGA SOO IIBSASHADA iyo XADDIGA ISKA IIBINTA. Hal tusaale aan soo qaadano, waxaad go’aansatay in aad 1,000 Euro kusoo iibsato dollar Kasoo qaad markasta oo Dollar lagu IIBSANAYO Euro, xaddiga soo iibsashadu in uu yahay 1.4500. Micnaha 1kii Dollar wuxuu lamid yahay 1.4500 Euro. Sidaas darteed 1,000 Euro ah waa ku gadaneysaa $1,450 Dollar.

Sidaan kusoo aragnay Tusaalaha kor ku xusan 1,000 Euro-ga ah waxaan kusoo iibsannay $1,450, Sidoo kale markii hore waxaan sameynay soo Iibsasho, hadda waxaan iskasii Iibineynaa Euro-gii aan soo iibsanay. Xadiga ISKA IIBINTA ee 1-kii Euro waxaan kasoo qaadeynaa in uu yahay 1. 5500. Sidaas darteed 1,000 Euro wuxuu noqonayaa $1550. Hada waxaan fa’iidnay $100 Dollar. Dhinac kale ee khasaaraha haddaan ka eego, Xaddiga iska sii iibinta wuxuu noqon karaa 1.3500. Haddii aad 1,000 hadda iska sii iibisid waxaad heleysaa $1.350 Dollar, sidaas ayaad $100 ku qasaartay. Marka la joogo ganacsiga FOREX sidaas ayaa loo faa’iida ama loo khasaaraa!

Haddaba waxaaan baranay sida uu u shaqeeyo ganacsiga Forex iyo sida lacag looga sameeyo maadaama aan Ummad Islaam ah nahay waxaa lama huraan ah in aan is weydiino xalaalnimada ganacsigaan marka laga eego xagga shareecada Islaamka.

Sida Culimo badan oo Sidiiqiin ah ay xaqiijiyeen ganacsigaan waa xalaal oo wuxuu laazimay shuruudihii laga rabay beeca xalaasha ah ee wax kala gadashada wuxuuna ka badbaaday wixii ka dhigay xaraan ama ribo.

Hoos ka daawo Sheekh Xasaan Xuseen oo si waafi ah uga hadlaya arrintan ama halka ka degso



W/Q Hilaal Colaad


Related Items