Foreign Policy: Diyaaradaha Mareykanka Dad Shacab ah ayay ku Xasuuqeen Gobolka Sh/Hoose Ee Soomaaliya.

Thursday May 09, 2019 - 13:24:51 in Wararka by Liibaan Jeexoow
  • (Rating 0.0/5 Stars) Total Votes: 0
  • 0 0
  • Share via Social Media

    Foreign Policy: Diyaaradaha Mareykanka Dad Shacab ah ayay ku Xasuuqeen Gobolka Sh/Hoose Ee Soomaaliya.

    Warbixin uu qoray Wargeyska "Foreign Policy" ee ka soo baxa dalka Mareykanka ayaa looga hadlay duqeymaha wuxuushnimo ee diyaaradaha Mareykanka ay ka fuliyaan goballo katirsan Soomaaliya kuwaasi oo ay ku beegsadaan dadka shacabka maatida ah.

    Share on Twitter Share on facebook Share on Digg Share on Stumbleupon Share on Delicious Share on Google Plus

Warbixin uu qoray Wargeyska "Foreign Policy" ee ka soo baxa dalka Mareykanka ayaa looga hadlay duqeymaha wuxuushnimo ee diyaaradaha Mareykanka ay ka fuliyaan goballo katirsan Soomaaliya kuwaasi oo ay ku beegsadaan dadka shacabka maatida ah.


Baaritaanno uu sameeyay Wargeyskaani ayaa lagu sheegay in ay sii kordheen tirada dadka Shacabka ee ku dhimanaya duqeymaha Mareykanka uu ka wado Soomaaliya ayaa lagu yiri warbixinta uu qoray Wageyska "Foreign Policy” .

 

Wareyska ayaa ka hadlay dhacdo duqeyn ah oo ka dhacday deegaan ka tirsan Wilaayada Sh Hoose gaar ahaan deegaan lagu magacaabo "Muuri, duqeyntaasi oo ay fuliyeen diyaaradaha Mareykanka ayaa waxaa ku dhintay ilaa 3 qof oo shacab ahaa kuwaasi oo la socday gaari ay duqeeyeen diyaaradaha Mareykanka .



Duqeeyntaani oo dhacday 18 bishii Maarso ee sanadkaan ayaa waxaa dadkii shacabka ahaa ee ku dhintay ka mid ahaa Ibraahim Xasan iyo 2 Ruux oo kale oo shacab ahaa kuwaasi oo ku dhintay duqeyntaasi .

 

Ibraahim ayaa la kulmay duqeynta xili uu kasoo laabtay kormeer uu ku tagay Beero ay leeyihiin qoyskiisa oo ku yaalla deegaan katirsan Wilaayada Sh Hoose waxaana labada Ruux ee la geeryootay mid ka mid ah uu ku dhintay Cisbitaal ku yaalla magaalada Muqdisho, halkaasi oo loosoo qaaday dhaawaciisa.

 

Axmed Xasan oo ah nin la dhashay Ibraahim Xasan oo ku dhintay duqeynta Mareykank ayaa u sheegay Wargeyska in Walaalkiis iyo 2 Ruux oo ay saaxiibo la ahaa walaalkiisa ay ahaayeen dad shacab ah oo ku safrayay Sh Hoose, sidaasina ay ku dhinteen kadib markii Mareykanka ay duqeeyeen dadkaasi.

 

Axmed ayaa intaasi ku daray in Walaalkiisa uu ifka kaga tagay 7 Carruur ah, isagoona sheegay in walaalkiisa uu ahaa ganacsade lahaa dukaan iyo kaalin Shidaal.

 

Warbixintaan uu qoray wargeyska "Foreign Policy” ayaa sidoo kale lagu sheegay in diyaaradaha Mareykanka ay si ula kac ah ay u beegsadaan dadka shacabka ah ee ku sugan deegaannada ay duqeeymaha ka geystaan ee gudaha Soomaaliya.

 

Waxaana wargeyska uu warbixintiisa kusoo gunaanday in taliska Ciidamada Mareykanka ee Africa ee loo yaqaano "Africom” mar waliba sheegaan in ay baarayaan duqeymaha ay u geystaan dadka Shacabka balse baaritaanadaasi ay noqdaan kuwa ay ku dafariraan duqeymaha ay u geystaan dadka Shacabka .

 

Dhawaan ayay aheed markii mareykanka uu soo saaray Warbixin uu ku sheegay tirada dadka shacabka ay ku dileen duqeymaha ay ka geysteen Soomaaliya sanadkii 2018-kii, iyadoona hay'adaha sheegta in ay u doodaan xuquuqda Aadanaha ay ku tilmaameen tirikoobka uu soo saaray Mareykanka mid ka fog xaqiiqada dhabta ah islamarkaana ay ku eedeeyeen Mareykanka in uu xasuuq ka geystay Soamaaliya .

Halkan ka akhri Isha Warka

Related Items