Shalay khamiistii waxaa magaalada Jilib Ee Jubbooyinka dhacay tartan aan noociisa hore loo arag kaasi oo ay liifka ama toogta ku tartamayeen odayaasha ama salaadiinta beelaha daga Jubbboyinka.

Tartankan oo ka dhacay fagaaraha wayn ee macalin Aadan Xaashi loogu magac daray ayaa ahaa mid indhaha dadkii daawanayay aad usoo jiitay, fagaaraha waxa xiise gaara usii yeelay jawiga oo ahaa mid neecowda roobka iyo dooga hadda soo baxay ay isugu biireen.

Odayaasha ka qayb galayay tartanka oo badankoodu ahaa rag da’ah ayaa tartanka xiiso gaara usii yeelay, waxana kuusoo baxaya sida odayaashii Soomaaliyeed ay u kala baxeen kuwo sharafta ciziga jihaadka doortay iyo kuwo caado qaatayaal ah oo u baxay inay waxoogaalaaluush ah kasoo qaataan lacagta doorashada ee gaalku keenay.

Wakhtiga la bilaabayay rimaayada ama liifka waxa si wayn dhinacyada nooga muuqday roobab si qurxoon oo saf siman ah u da’aya sida aad sawirrada ku aragtaa, roobkaasi oo markii dambe kala jaray tartankii socday dadwaynihiina ay roobkii ka carareen,

Si kadis ah ayaa loo kala dareeray markiidhibicda roobku bilaabantayiyadoon wax ballan dambe ah loo sheegin dadka iyo wakhtiga la dhamaystiri doono tartanka isla markaana lagu dhawaaqi doono natiijada cidda ku guulasatay kaalmaha hore.

Hoos Ka Daawo sawirrada