Warbixin: Taliban oo Qabsatay Dhul Ballaaran oo Katirsan Wadanka Afghanistan.

Sunday March 05, 2017 - 17:59:02 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Warbixin: Taliban oo Qabsatay Dhul Ballaaran oo Katirsan Wadanka Afghanistan.

    Degmo kale oo ku taalla gobolka Baghlan ee dhaca waqooyiga dalka Afghanistan ayaa maalin ka hor ka baxday gacanta xukuumada dabadhilifka ah ee Kaubuul, kuna dhacday gacanta Imaarada Islaamiga, Iyadoona qabsashada degmada uu ka dhigan yahay in mujaahi

    Share on Twitter Share on facebook Share on Digg Share on Stumbleupon Share on Delicious Share on Google Plus

Ciidamada Xukuumadda Afghanistan
Degmo kale oo ku taalla gobolka Baghlan ee dhaca waqooyiga dalka Afghanistan ayaa maalin ka hor ka baxday gacanta xukuumada dabadhilifka ah ee Kaubuul, kuna dhacday gacanta Imaarada Islaamiga, Iyadoona qabsashada degmada uu ka dhigan yahay in mujaahidiintu ay gacanta ku dhigeen dhul ballaaran oo ka tirsan gobolkaas.


Qabsashada Degmadan oo lagu magacaabo Tala Wa Barfak ayaa timid kadib markii mujaahidiintu ay iqtixaameen saldhigyadii iyo xarumihii cadowga, ayna magaalada ka saareen maleeshiyaatkii xukuumadda ee halkaasi ku sugnaa.


Degmadan ayaa dhowr bilood ku hoosjirtay go’doon aad u adag oo ay saareen mujaahidiinta.

War Saxaafadeed Rasmi ah oo ka soo baxay imaarada Islaamiga Afghanistan oo lagu baahiyey Website-ka Imaarada Islaamiga ayaa lagu sheegay in mujaahidiintu ay si buuxda ula wareegeen degmada Tala Wa Barfak oo ku taalla gobolka Baghlan, ayna qabsadeen xarunta degmada, Saldhigga Police-ka iyo dhamaan bar koontarooladii cadowga ee gudaha iyo banaanka magaalada.



"Mujaahidiintu waxay magaalada ku qaadeen dagaal xoogan oo dhacay xilli aroornimo ah kaas oo ugu dambeyntii ay kaga guuleysteen cadowga. Maleeshiyaat badan ayaa lagu dilay dagaalka kuwaas oo qaar ka mid ah meydadkooda ilaa hadda uu yaallo magaalada, Waxaana dagaalka ku qabanay ugu yaraan 13 ka mid ah murtadiinta” ayuu yiri sarkaal.

Saraakiil u hadashay xukuumada dabadhilifka ah ee Kaabuul ayaa dhankooda xaqiijiyey in degmada Tala Wa Barfak ay ka baxday gacantooda kadib dagaal xooggan oo halkaas ku dhexmaray ciidankooda iyo Dagaalyahan Taliban, waxayna sheegeen in askartooda ay ku jireen go’doon adag muddo bilooyinka ka hor inta aanan lasoo weerarin magaalada.

Faa’iz Maxamed oo ah gudoomiyaha degmadan ugu magacaaban xukuumada dabadhilifka ah ee Afghanistan ayaa warbaahinta maxaliga ah ee dalka u sheegay in Imaarada Islaamiga ay la wareegtay degmada degmada, kadib markii boqolaal dagaalyahano ah ay dhowrjiha ka soo weerareen magaalada.

Ciidamada Mujaahidiinta Imaarada Islaamiga Afghanistan ayaa dhowrkii bilood ee la soo dhaafay hormaro balaaran ka sameeynayey gobolka Baghlan iyo gobalka deriska la ah ee Khunduz, halkaas oo guulo waa weyn ay ka soo hoyeen mudooyinkii u dambeeyey.

Qabsashada degmadan ayaa sidoo kale qeyb ka ah horumarro isbalaarin ah oo mudooyinkan ay Imaaradu ka sameyneysay meelo badan oo ka tirsan waqooyiga iyo koonfurta wadanka.

Degmadan waa tii labaad oo ay qabsadaan xoogaga Taliban muddo laba todobaad gudahiisa ah, 21-kii bishii la soo dhaafay ee February waxay mujaahidiintu qabsadeen degmo lagu magacaabo Shorabak oo ka tirsan gobalka Khandahaar ee dhaca koonfurta wadanka.

Warbixin dhawaan ay baahisay Shabakad lagu magacaabo Long War Journal ayaa lagu sheegay in Imaarada Islaamiga ay hadda ka taliso ku dhawaad 50 ka mid ah degmooyinka wadanka Afghanistan, 56 kalena lagu loolamayo oo ay isku hayaan mujaahidiinta iyo maleeshiyaatka murtadiinta.

Dhanka kale, Imaarada Islaamiga Afghanistan ayaa gaashaanka u daruurtay war dhawaan ka soo yeeray dowlada saliibiyadda ah ee Mareykanka kaas oo mujaahidiinta ugu baaqayey in ay qaadaan dhabaha nabadda iyo wada hadalka halkii ay ku taagnaan lahaayeen wadada dagaalka iyo hubka.

Abaanduulaha ciidamada Mareykanka ee Afghanistan gaalka lagu magacaabo John Nicholson ayaa maalma ka hor mujaahidiinta ugu baaqay in ay doortaan wadada nabadda iyo wadahadalka, ayna joojiyaan dagaalka ay kula jiraan xukuumada Kabul iyo ciidamadooda ku sugan Afghanistan.

Gaalkan ayaa hadalkan ka sheegay shirjaraa’id oo uu kaga hadlayey duqeyn ay ku beegsadeen Sheykh Mullah Cabdi Salaam oo ahaa waaligii Imaarada Islaamiga ugu magacownaa gobolka Khunduz., Waxa uu sheegay in hogaamiyahan la dilay uu ahaa hogaamiye mayal adag oo halis ku ahaa qorshaha wada hadalada ee la doonayo in xukuumada Kabul ay la furto Imaarada islaamiga Islamarkaana haddii isaga la taqalusay ay haboon tahay in markale Taliban loogu yeero miiska wada hadalka.

"Dilka Mullah Cabdi salaam waa fursad lagu keeni karo isbedal. Dadka Afghanistan waxay doonayaan Nabad, Xukuumada Kabul-na waxay balan qaaday sidii ay ugu guuleysan lahayd qorshaha nabadda iyadoo loo marayo wadada dib u heshiisiinta marka Taliban waa in ay ogaataa in wadada kaliya ee horay loogu socon karo ay tahay mida dib u heshiisiinta” ayuu yiri gaal John Nicholson.

Laakiin Imaarada Islaamiga ayaa jawaab deg deg ah ka bixisay hadalkaas ka soo yeeray dowlada Mareykanka, waxayna sheegeen in aysan joojin doonin dagaalka ilaa ciidamada saliibiyiinta ay isaga baxayaan dalka Muslimka ah ee Afghanistan, lagana soo celinayo dowlada Imaarada Islaamiga ee sharciga Islaamka ku dhaqi jirtay wadanka.

"Dadka Muslimiinta ah ee reer Afghanistan waxay idiinka aaminsan yihiin gumeyste la mid ah isla gumeystihii Ingiriiska iyo Soviet-ka ee lagula dagaalamay dhulkan, weyna idiinka saari doonaan dhulkooda sida ay uga saareen gumeystihii hore oo kale” ayaa lagu yiri War Saxaafadeed ka soo baxay Imaarada oo uu ku saxiixnaa Sheykh Dabiixullaah Al-Mujaahid.

Isagoo hadalkiisa sii wata ayuu yiri: "Istish-haadka Mullah Cabdi Salaam uma aragno qoomamo ama guuldaro ee waxaan u aragnaa sharaf iyo guul sii xoojineysa sida reer Khunduz iyo reer Afghan ugu ooman yihiin aargudasho. Waxay sidoo kale istish-haadkiisa daboolka ka qaatay kalsoonida lagu qabo mujaahidiinta iyo in uu kordhay jaceylka ay muslimiintu u qabaan Mullah Cabdi Salaam iyo walaaladiisa Waxaadna ogaataan in aan nahay qowm jecel istish-haadka iyo dilka wadada Alle si la mid ah sida aad u jeceshihiin nolosha iyo dunida liidata oo kale.

War Saxaafadeedkan ka soo baxay Sheykh Dabiixullaah Al-Mujaahid waxaa sidoo kale lagu yiri: "Haddii aadan soo gabagabeynin duulaankiina, sidoo kalena aadan aqbalin dalabaad muslimiinta waxaan idiin sheegeynaa in si qasab ah aad kaga bixi doontaan dhulkan Allaah idinkii” Waxaa bayaanka uu intaas sii raaciyey in mujaahidiintu ay sii wadi doonaan dagaalka ka dhan ah xukuumada Kabul iyo ciidamada saliibiyiinta ah ee jooga wadankaas.

Related Items