Daraasad:" Iclaamka Al-Shabaab..hormuudka Saxaafadda Jihaadiga"

Tuesday July 04, 2017 - 09:27:12 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Daraasad:" Iclaamka Al-Shabaab..hormuudka Saxaafadda Jihaadiga"

    Daraasad cusub oo ay baahisay Xarunta Daraasaadka ee "THE WASHINGTON INSTITUTE FOR NEAR EAST POLICY" ayaa lagu qaadaa dhigay Jamaacaad ay ka mid ah tahay Xarakada Al-Shabaab ee Soomaaliya iyadoona lagu qiimeeyay guluf dagaaleedka ka horjeed

    Share on Twitter Share on facebook Share on Digg Share on Stumbleupon Share on Delicious Share on Google Plus

Daraasad cusub oo ay baahisay Xarunta Daraasaadka ee "THE WASHINGTON INSTITUTE FOR NEAR EAST POLICY" ayaa lagu qaadaa dhigay Jamaacaad ay ka mid ah tahay Xarakada Al-Shabaab ee Soomaaliya iyadoona lagu qiimeeyay guluf dagaaleedka ka horjeeda iyo sida ay uga hortagayaan.

 

Daraasaddan oo ka koobneyd 124 bog, isla markaana guud ahaan ka hadashay Al-Qaacidda iyo faracyadeeda iyo qaabkii ay kaga badbaadeen " Drones-ka, Kacdoonnadii Carabta iyo IS” ayaa tilmaamtay Xarakada Al-Shabaab ee Soomaaliya in ay dhinac iska marisay taxaddiyo waaweyn oo soo wajahay, haba ugu badnaadeene dilalka hoggaamiyeyaasheeda oo uu ka mid ahaa Sheekh Abu Zubeyr.

 

Xarakada Al-Shabaab ayay sheegtay diraasadu in inkastoo aaney maamulin magaalooyin waaweyn sida Muqdisho, Kismaayo iyo Baydhabo, hadane ay si joogto ah saameyn ugu leeyihiin arrimaha dalka Soomaaliya.

 

Daraasadda ayaa xustay in Xoogaga Al-Shabaab ay si taxaddir leh u waajahaan xaaladaha la soo gudbaanaada oo xittaa ay ku jiraan isku dhacca ay kala kulmaan beelaha qaarkood ee ku sugan deegaannada ay maamulaan.

 

 

Mar ay Diraasadu soo hadal qaadday Iclaamka Xarakada Al-Shabaab ayay sheegtay in ay isu arkaan iney yihiin " Hormuudka Saxaafadda Jihaadiga” waxaana daraasaddu ay arrinkaas ku micneysay in Iclaamka Al-Shabaab uu awood u yeeshay maareynta dhacdooyin muhiim ah sida Weerarkii Westgate iyo weerraradii cuslaa ee dhawaanahan ay la kulmayeen Ciidamada Afrikaanka ee Soomaaliya jooga.

 

Daraasaddan oo ay ka qeyb qaateen khubarro badan oo reer galbeed ah ayaa tiri " Al-Shabaab oo isu arka Boqorrada Saxaafadda Jihaadiga ayaa sii wada adeegsiga xirfadahooda xagga Warbaahineed si ay u soo bandhigaan warka dhankooda” .

 

Marka ay timaado in lagu loollamo ka warbixinta dhacdooyinka dhexmara Al-Shabaab iyo dhinacyada ka soo horjeeda, waxey daraasaddu sheegtay warka Al-Shabaab inuu u dhigan yahay qaab aad uga macquulsan kan cadowgooda.

 

"Warkooda sida ay doonaan ha u dhigeene -haba leexsanaadee-, laakin waa mid fadhiya oo socon kara marka loo eego warka ay baahiyaan cadowgooda” ayay tiri diraasaddu.

 

Dhanka dagaalka Warbaahinta, waxey Daraasaddani sheegeysaa in ay Al-Shabaab isugu geysay qeybo kala duwan oo maqal iyo muuqaal leh kuwaas oo la fal-gala dhacdooyinka taagan, waxaana ay xuseen Idaacadda Andalus iyo Mu’assasada Al-kataib, iyagoo ku sii daray in ka sokow warbaahinadooda, ay Al-Shabaab adeegsadaan Warbaahinnada Caalamiga ah sida BBC iyo Al-Jazeera.


Related Items