Markab Gujis Ah Oo Ku Burburay Xeebaha Dalka Singapore iyo 10 Askari Mareykan Ah oo Lala'yahay.

Monday August 21, 2017 - 12:15:18 in Wararka by Super Admin
  • (Rating 0.0/5 Stars) Total Votes: 0
  • 0 1
  • Share via Social Media

    Markab Gujis Ah Oo Ku Burburay Xeebaha Dalka Singapore iyo 10 Askari Mareykan Ah oo Lala'yahay.

    Tobaneeyo Askar American ah ayaa loo badinayaa in ay dhinteen Kadib Shil Qabsaday Markab Gujis ah oo ay lahaayeen ciidanka Badda Mareykanka.

    Share on Twitter Share on facebook Share on Digg Share on Stumbleupon Share on Delicious Share on Google Plus

Markab John S. McCain
Tobaneeyo Askar American ah ayaa loo badinayaa in ay dhinteen Kadib Shil Qabsaday Markab Gujis ah oo ay lahaayeen ciidanka Badda Mareykanka.



Khasaara lixaad leh ayaa ka dhashay shil badda gunteeda ku qabsaday markab gujis dagaal ah oo ay leedahay dowladda Mareykanka kaasi oo ka dhacay biyaha qaaradda Aasiya.

War rasmi ah oo kasoo baxay taliska dhexe ee ciidanka Mareykanka ayaa lagu xaqiijiyay in tobaneeyo katirsan ciidanka Mareykanka lala’yahay kuwa kalane ay dhinteen kadib markii Markab dagaal uu hertiyay markab shidaal siday oo ku sugnaa xeebaha wadanka Singapore.



Warka kasoo baxay ciidanka Badda Mareykanka ayaa lagu sheegay in markabka gujiska ah ee lagu magacaabo John S. McCain uu si lama filaan ah ugu dhacay markab shidaal xilli uu marayay xeebaha Bari ee wadanka Singapore aroornimadii hore ee saaka.

Dowladda Mareykanka waxay walaac ka muujisay masiirka 10 sarkaal oo lala’yahay waxaana loo maleynayaa in ay shilka ku dhinteen, markabka gujiska Mareykanka ayaa la sheegay in dhanka Bidix uu shilku ka haleelay islamarkaana bubur xooggan uu gaaray.

Wararka ayaa intaasi ku daraya in markabkan gujiska ah ee shilku qabsaday uu siday sawaariikh casri ah wuxuuna kusii jeeday dekadda weyn ee magaalada caasimadda u ah wadanka Singapore oo heshiish dhan walba ah kula jiro dowladda Mareykanka.

Shil kan lamid ah oo 17,June 2017 ka dhacay xeebaha wadanka Japan waxaa ku dhintay 7 askari Mareykan ah kadib markii ay isku dhaceen markab gujis ah iyo doon ganacsi oo laga lahaa wadanka Filibiin.

Liibaan Jeexoow Cabdi
SomaliMeMo, Muqdisho
[email protected]

Related Items