Dhageyso: 213 Neef Geel Ah Oo Maxkamad Islaami Ah Ukala Wareejisay Beelo Ku Dagaallamay Gobolka Bay.

Sunday October 08, 2017 - 17:34:29 in Wararka by Super Admin
  • (Rating 0.0/5 Stars) Total Votes: 0
  • 2 0
  • Share via Social Media

    Dhageyso: 213 Neef Geel Ah Oo Maxkamad Islaami Ah Ukala Wareejisay Beelo Ku Dagaallamay Gobolka Bay.

    Kadib munaasabad ballaaran oo ka dhacday deegaan katirsan gobolka Bay ayay diyo ku kala qaateen laba beelood walaala ah oo dad isaga dilay deegaanno katirsan gobolkaasi.

    Share on Twitter Share on facebook Share on Digg Share on Stumbleupon Share on Delicious Share on Google Plus

Kadib munaasabad ballaaran oo ka dhacday deegaan katirsan gobolka Bay ayay diyo ku kala qaateen laba beelood walaala ah oo dad isaga dilay deegaanno katirsan gobolkaasi.



Maxkamadda islaamiga wilaayada Islaamiga Bay iyo Bakool ayaa beesha Leysaan u xukuntay in ay diyo mughallada ah ka qaataan beesha Eelaay kadib sedax Nin oo laga dilay Leysaan, mas’uuliyiin katirsan Maktabka musaalaxada xarakada Al Shabaab ayaa ku sugnaa munaasabaddii ay diyada kula wareegaysay beesha Leysaan.

Fagaare kuyaal deegaanka Buush-Madiino ayay beesha Eelaay ku wareejisay 213 Neef oo Geel ah, dad badan ayay ka dhaadhici weysay in dhiigga halkii Nin laga bixiyo 100 Neef geel ah waana fadli lagu helay ku dhaqanka shareecada Islaamka.



Beesha Eelaay waxaa Fagaaraha deegaanka Buusha Madiino looga Tiriyay 213 Neef geel ah iyadoo laga sugayo 87 neef oo ku haray, salaadiinta beesha Leysaan ee diyada lasiiyay ayaa iyana warbaahinta u sheegay in ay ku qanceen xukunka Maxkamadda ayna ku faraxsanyihiin in Boqolaal Neef geel ah diya ahaan u qaataan.

Wadarta diyada ayaa ah 300 Halaad Geel ah waxaana laga bixiyay 3 Nin oo beesha Eelaay ay horay uga dishay beesha Laysaan.

Dhinaca kale Beesha Gaaljecel ayaa Boqol neef geel ah ka qaadatay beesha Garre kadib markii beesha laga dilay Nin, munaasabad ka dhacday deegaanka Bisaq Adde ee duleedka Buurhakaba ayay beesha Gaaljecel 100 Neef ugala wareegtay walaalahooda Beesha Garre.

Maamuladda islaamiga ah ee kajira Koonfurta iyo Bartamaha dalka Soomaaliya ayaa dib usoo celiyay karaamadii ay lahaayeen shacabka muslimka soomaaliyeed, waxaana yaraaday falal dambiyeedyada, soomaaliya aad ayay ugu yareed in 100 neef geel ah laga bixiyo diyada Ninka ragga marka ladilo badanaa waxaa kiisaska nuucaan ah lagu dhammeyn jiray xeer jajab iyo bac madoow arrinkaas oo caan ka noqday dalka.

Halkan ka dhageyso Warbixin Ku saabsan 213 neef geel ah oo lakala qaatay MP3

Liibaan Jeexoow Cabdi
SomaliMeMo, Muqdisho
[email protected]

Related Items