KENYA: Nin Baadari Ahaa Oo Muslimay Kaniisaddiisina ka dhigay Masjid Muslimiintu Leeyihiin.

Monday October 23, 2017 - 09:06:57 in Wararka by
  • (Rating 0.0/5 Stars) Total Votes: 0
  • 0 0
  • Share via Social Media

    KENYA: Nin Baadari Ahaa Oo Muslimay Kaniisaddiisina ka dhigay Masjid Muslimiintu Leeyihiin.

    Baadari Kenyaan ah ayaa muslimay kana dhigay Kaniisaddiisa Masjid isaga oo sheegay inuu qaadan waayay sida haweenku ugu soo labistaan Kaniisadda.

    Share on Twitter Share on facebook Share on Digg Share on Stumbleupon Share on Delicious Share on Google Plus

Baadari Kenyaan ah ayaa muslimay kana dhigay Kaniisaddiisa Masjid isaga oo sheegay inuu qaadan waayay sida haweenku ugu soo labistaan Kaniisadda.

"Kaniisadayda waxaa la dhihi jiray Nyalgosi God’s Call Church of East Africa, hayeeshe hadda waxaa lagu magacaabaa Nyalgosi Jamia Masjid,” sidaas waxaa yiri Baadari hore  Charles Okwany oo hadda la baxay magaca Ismaaciil  wuxuuna sidaas  u sheegay Wargeyska The Nairobian.

"Intii aan ku jiray shaqadayda baadarinimada, waxaan ku socdaalay Malindi, Mombasa, Nairobi iyo Tanzania si aan Bible-ka ugu yeero dadka,
Waxaan sidoo kale ka faa’iideystay fursadda ah barashada sinnaanta akhlaaqda shacbi ee diimaha Kiristanka iyo Islaamka, waxaana aan ogaaday in Islaamku uu yahay diinta ugu fiican ee Alle loogu dhawaado" ayuu yiri Ismaaciil oo horay u ahaa Baadari balse hadda ah muslim.


Ninkan soo hanuunay ayaa si qota dheer uga sheekeeyay xumaanta gaalnimada iyo sida qalbigiisu u xasilay markii uu soo galay diinta islaamka wuxuuna si farxadi ku jirto dadka ehelkiisa ah ugu baaqayaa in ay soo galaan diinta waasaca ah ee islaamka kana baxaan ciriiriga gaalnimada.

"Farriimaha bible-ku ma ahan mid dhiirri-gelinaya labisashada habboon. Waana nasiib darro in haweenka qaar ay goonno aad u gaaban oo cawradooda muujinaysa usoo qaataan Kaniisadaha,” ayuu sii raaciyay mar uu ka hadlayay xumaantii uu kusoo arkay gaalnimada.


Okwany wuxuu safarkiisa barashada Islaamka ka bilaabay booqasho uu ku sameeyey hoggaanka Muslimiinta magaalada Kisii kaas oo u sharraxay diinta islaamka . Waxaana kadib la baray culumada Ragwe Imam iyo Mustafa Saoke.

Bishii September , Okwany wuxuu qaatay Islaamka waxaana la islaamay 23 kamid ah xubnaha kaniisaddii uu ka shaqeyn jiray arrinkaas oo murugo ku ah kaniisadaha kuyaal wadanka Kenya, Okwany iyo walaalihiisa muslimiinta ah ee soo hanuunay hadda waxay ku mashquulsanyihiin barashada diinta islaamka shakina kuma jiro in ay isku bedeli doonaan ducaad diinta soo geliya kumanaan qof oo markii hore Kaniisadda kusoo booqan jiray.


Hadda, masjidku wuxuu leeyahay jamaaco ku dhow 63 qofood kadib markii 30-meeyo kale ay iska soo diiwaan-geliyeen degmada Kagan,
Hadda Okwany wuxuu doonayaa in uu in badan kororsado cilmiga diintiisa, wuxuuna ka qoomameynayaa sanadadii uu mugdiga gaalnimada kujiray.
Kenya kuma cusba in dad Baadariyaal ah ay soo islaamaan balse waxaa ku cusub iyo Kaniisad iyo dadkii joogay inta diinta diinta islaamka galaan ay isla Kaniisaddii ubedelaan Masjid.

Jamciyaadka islaamiga ah iyo jaaliyadaha muslimiinta Bariga Afrika waxaa lagudboon in Masjidka cusub ee Okwany ee horay kaniisadda u ahaa ay dhisaan ayna ku daraan Machad iyo dugsi qur'aanka lagu barto si dadka kale ee wali Kirishtaanka ah loogu dhiiri geliyo in ay soo islaamaan oo ay kasoo baxaan mugdiga.

Okywany  ayaa ugu dambeyn  dadka ugu yeeray in Islaamka aan lagu koobin ama loo arag mid ay leeyiihiin Soomaalida iyo Carabta  "Waa diin caalami ah oo dunida oo dhan ka dhaxaysa ma ahan diin xuduud iyo qowmiyad ku xiran,” ayuu hadalkiisa sii raaciyay Ismaaciil.

Inkasta oo dowladda Kenya ay adeegsatay asaaliib ay ku caburinayso dadka muslimiinta ah sida iyadoo dhistay hay'ado Asha-haadda ladirir ah hadane islaamka ayaa si xowlli ah ugusii faafaya gobollada iyo magaalooyinka kala duwan ee wadanka Kenya, mashruuca loogu magac daray Linda Nchi ee melleteriga Kenya marmarsiimo uga dhigteen  duullaanka soomaaliya ayaa ujeedkiisu ahaa in lagu wiiqo muslimiinta balse arrinkaasi maguuleysan.

Ciidamada ashahaadda ladirirka Kenya ee loo yaqaan ATPU iyo GSU ayaa muslimiinta gudaha dhibaatada daran ku haayo waxayna dilal qorsoodi ah ku fuliyaan wadaadada muslimiinta iyagoona sababay in boqolaal muslimiin ah dibadaha ucararaan si ay uga badbaadaan dhibaatada ay geysanayaan ciidamadaas ashahaadda ladirirka ah.


Isha Warka: Social Media/SomaliMeMo

Related Items