Sheekh Cali Dheere " Muslimiintu Waa in Ay Hubka Uqaataan Difaacidda Masjidka Barakeysan Ee Al-Aqsaa.

Thursday December 07, 2017 - 10:51:10 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Sheekh Cali Dheere " Muslimiintu Waa in Ay Hubka Uqaataan Difaacidda Masjidka Barakeysan Ee Al-Aqsaa.

    War rasmi ah oo kasoo baxay Xarakada Shabaabul Mujaahidiin ayaa looga fal celiyay go'aankii uu madaxweynaha Mareykanka magaalada Qudus ugu aqoonsaday caasimadda Yahuudda.

    Share on Twitter Share on facebook Share on Digg Share on Stumbleupon Share on Delicious Share on Google Plus

War rasmi ah oo kasoo baxay Xarakada Shabaabul Mujaahidiin ayaa looga fal celiyay go'aankii uu madaxweynaha Mareykanka magaalada Qudus ugu aqoonsaday caasimadda Yahuudda.


Caddeymo uu bixiyay Afhayeenka Xarakada Al Shabaab Sheekh Cali Maxamuud Raage (Sheekh Cali Dheere) ayuu uga hadlay go'aanka Trump ee ka dhanka ah muslimiinta, wuxuu sheegay in tallabada Qudus uu Mareykanku ugu aqoonsaday Caasimadda Yahuudda ay muujinayso sare ukaca cadaawadda uu qabo islaamka iyo muslimiinta.

Al Shabaab waxay sheegtay in dhulka Filasdiin dhammantiis uu yahay dhul barakeysan oo muslimiintu ay leeyihiin waxayna muslimiinta usoo jeedisay in ay u istaagaan difaaca muqadasaadka "waxaan ugu baaqeynaa dhammaan muslimiinta in ay hubka qaataan oo Masjidka Barakeysan ee Al-aqsaa ay ka difaacaan gumeysiga Yahuudda ee Mareykanku taageerayo, wixii xoog lagaaga qaato lagumasoo ceshado wax aan awood aheyn" ayuu yiri Sheekh Cali Dheere.


Jawaab celintan ka timid Xarakada Shabaabul Mujaahidiin ayaa imaanaysa xilli Shacabka Muslimiinta caalamka ay ka caroodeen warkii xalay kasoo yeeray Trum ee magaalada Qudus uu kusiiyay Yahuudda Sahyuuniyadda waxaana meelo badan oo caalamka islaamka katirsan ka dhacaya dibad baxyo rabshada wata oo loogasoo horjeedo dowladda Mareykanka.

Liibaan Jeexoow Cabdi
SomaliMeMo,Muqdisho

Related Items