Maamulka Beled Xaawo Oo Xiray Qaar Kamid Ah Dadkii Kacdoonka kala Hortagay Ciidamada Kenya.

Monday December 25, 2017 - 12:39:07 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Maamulka Beled Xaawo Oo Xiray Qaar Kamid Ah Dadkii Kacdoonka kala Hortagay Ciidamada Kenya.

    Xiisado kacsanaan ah ayaa wali kajira magaalada Beled Xaawo ee dhacda xuduud beenaadka ay wadaagaan wadamada Soomaaliya iyo Kenya.

    Share on Twitter Share on facebook Share on Digg Share on Stumbleupon Share on Delicious Share on Google Plus

Xiisado kacsanaan ah ayaa wali kajira magaalada Beled Xaawo ee dhacda xuduud beenaadka ay wadaagaan wadamada Soomaaliya iyo Kenya.

Wararka ka imaanaya gobolka Gedo ayaa sheegaya in boqolaal shacab ah ay wali tubanyihiin soohdinta kala qeybiso labada magaalo ee Mandheere iyo Beled Xaawo.

Shacabka ayaa ka feejigan isku day kale oo ciidamada Kenya ay ku doonayaan in ay kusoo galaan magaalada ayna burburiyaan guryo shacabka Soomaalida ay leeyihiin.

Ilo wareedyo ayaa sheegaya in ciidamo isugu jira Melleteri iyo Boolis Kenyaan ah ay dib ugu laabteen saldhig kuyaal magaalada Mandheera kuwaas oo maalin ka hor weerar ku qaaday Beled Xaawo.


Kadib dagaal culus oo dadka deegaanku lagaleen melleteriga Kenya ayay ku guuleysteen in ay hakiyaan derbigii uu cadawgu ka dhisayay deegaanka sidoo kale ciidanka Kenya ayaa dib ugurasho sameeye.


Dhinaca kale maamulka dabadhilifka ah ee Beled Xaawo ka jira ayaa xabsiga dhigay illaa 7 qof oo kamid ah ganacsatada iyo waxgaradka magaalada kuwaasi oo lagu eedeeyay in ay abaabuleen kacdoonkii shacbi ee looga hortagay cadawga hororka ah ee Kenya.

Nin lagu magacaabo Cabdi Rashiid Janan oo ku magacaaban wasiirka amniga maamulka ‘Jubbaland’ ayaa isna gaaray Beled Xaawo si uu ukala diro shacabka careysan.

Maamulka Axmed Madoobe oo kaba qaad u ah ciidanka Kenya ayaa la sheegay in saraakiisha dowladda Kenya u xil saareen kala furfuridda kacdoonka shacbi ee ka jira degmadan kaabiga ku heysa xuduud beenaadka.

Liibaan Jeexoow Cabdi
SomaliMeMo,Muqdisho

Related Items