Maleeshiyaad Katirsan DF-ka Oo Nabadoon Caan Ah Ku Dilay Degmada W/weyn Ee Sh/Hoose.

Thursday December 28, 2017 - 21:03:10 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Maleeshiyaad Katirsan DF-ka Oo Nabadoon Caan Ah Ku Dilay Degmada W/weyn Ee Sh/Hoose.

    Warar dheeraad ah ayaa kasoo baxaya weerar maleeshiyaad katirsan dowladda Federaalka Soomaaliya ay xalay ka fuliyeen degmada W/weyn ee gobolka Sh/Hoose.

    Share on Twitter Share on facebook Share on Digg Share on Stumbleupon Share on Delicious Share on Google Plus

Warar dheeraad ah ayaa kasoo baxaya weerar maleeshiyaad katirsan dowladda Federaalka Soomaaliya ay xalay ka fuliyeen degmada W/weyn ee gobolka Sh/Hoose.

Wararka ka imaanaya W/weyn ayaa xaqiijinaya in maleeshiyaadka Mareykanku tababaray ay weerareen guri uu magaalada ka deganaa Nabadoon caan ahaa oo lagu magacaabi jiray Maxamed Cabdi jeelle.

Sida ay sheegeen dadka deegaanka Maleeshiyaadka ayaa hareereeyay guriga Nabadoonka kadibna rasaas aan loo aabba yeelin ayay ku fureen taas oo sababtay in uu halkaas ku dhinto waxaana dhaawacmay xaaskiisa.

Ehellada Nabadoon Maxamed Cabdi jeelle ayaa warbaahinta Muqdisho u sheegay in ay la yaabeen falkan arxan darrada ah ee ay ku kaceen kuwa sheeganaya dowlad, Nabadoon Maxamed Cabdi jeelle ayaa caan ka ahaa Sh.Hoose wuxuuna madax u ahaa guddi ay leeyihiin beeraleyda deegaanka.


Arrinta layaabka leh ayaa aheyd markii wasiirka Warfaafinta DF-ka Cabdi Raxmaan Yariisoow uu sheegtay mas’uuliyadda dilka Nabadoonka.

Yariisow ayaa qoraal uu soo saaray ku sheegay in Nabadoonka ladilay uu kamid ahaa xarakada Al Shabaab uuna katirsanaa qeybta Maaliyadda.

Guddiga ganacsatada W/weyn iyo ehellada Nabadoonka ayaa warkaas si kulul ubeeniyay waxayna sheegeen in ay dacwad kusoo oogayaan Yariisoow.

Ma ahan markii ugu horraysay oo DF-ka ay sheegato Mas’uuliyadda dad shacab ah oo lagu dilay deegaano katirsan gobollada dhaca Koonfurta iyo Bartamaha Soomaaliya.

Liibaan Jeexoow Cabdi
SomaliMeMo,Muqdisho

Related Items