Hoggaamiyaasha Qaaradda Afrika Oo Magaalada Addis Ababa Uga Doodaya Ka Guuleysashada Musuq Maasuqa.

Monday January 29, 2018 - 08:57:27 in Wararka by Super Admin
  • (Rating 0.0/5 Stars) Total Votes: 0
  • 0 1
  • Share via Social Media

    Hoggaamiyaasha Qaaradda Afrika Oo Magaalada Addis Ababa Uga Doodaya Ka Guuleysashada Musuq Maasuqa.

    Magaalada Addis Ababa ee caasimadda wadanka Itoobiya waxaa ka furmay shirkii 30-aad oo ay isugu yimideen hoggaamiyaasha wadamada qaaradda Afrika.

    Share on Twitter Share on facebook Share on Digg Share on Stumbleupon Share on Delicious Share on Google Plus

Magaalada Addis Ababa ee caasimadda wadanka Itoobiya waxaa ka furmay shirkii 30-aad oo ay isugu yimideen hoggaamiyaasha wadamada qaaradda Afrika.

Shirkan oo waqtigii loo asteeyay in uu furmo dib uga dhacay wax ka badan laba saacadood sababa la xiriira khilaafaadyo ragaadiyay ajandayaasha looga doodayay ayaa ugu dambeyn furmay waxaana jiray khudbado iskasoo horjeeda oo ay jeediyeen hoggaamiyaasha qaaradda.

Madaxweynaha dalka Rwanda Paul Kagame ayaa loo doortay in wareeggan uu hoggaamiyo Ururka Midowga Afrika halka madaxweynaha dalka Gini uu noqday madaxweynaha Ururka ee sanadkan.

Markii ugu horraysay waxaa shirka Ururka AU ee ka furmay Addis Ababa kasoo qeyb galay wasiirka arrimaha dibadda dowladda Eereteri oo khilaaf soo jireen ah kala dhaxeeyo Itoobiya.


Sanaddii 2000 dagaal xooggan oo ka dhax qarxay Itoobiya iyo Ereteria ayaa sababay in Asmara ay qaadacdo dhammaan shirarka Midowga Afrika ee Addis Ababa ay marti gelinayso.

Hoggaamiyaasha qaaradda Afrika ayaa labada maalin ee uu shirku socdo waxay ka doodi doonaan qodobo ay kamid yihiin xallinta khilaafaadka qaaradda kajira iyo la dagaallanka Musuq Maasuqa "ka guuleysashada Musuqa” ayaa ciwaan looga dhigay shirka Midowga Afrika ee Addis Ababa ka furmay.

Sidoo kale ajandayaasha Hoggaamiyaashan ay kulanka uga doodayaan waxaa kamid ah arrimaha ammaanka gaar ahaan ladagaallanka waxa ay ugu yeereen Argagaxisada oo loola jeedo dagaalka lagula jiro jamaacaadka Jihaadiga ah.

Muusa Fiki oo ka ah madaxa Golaha Ururka ayaa madaxa ka sheegay in dagaallada ka socda qaaradda gaar ahaan Maali,Liibiya, Naigeria iyo Soomaaliya ay kamid yihiin waxyaabaha ay ka doodi doonaan hoggaamiyaasha.


Arrinta Musuq Maasuqa ee madaxweynayaasha qaaradda Afrika sida adag uga hadlayaan ayay wariyaashu ku sheegayaan mowduuc dhalanteed ah sababtoo ah hoggaamiyaasha madasha ku sugan ayaaba dhax muquuranaya musuq maasuq iyo wax isdabamarin sida Paul Kagame madaxweynaha Rwadanda oo dalkiisu sanadkaan kaalinta afaraad ka galay wadamada ugu musuq maasuqa badan caalamka.

Maxamuud Cabaas Abuu Maazin Hoggaamiyaha maamulka Filasdiin oo ah madaxweynaha kaliya ee aan xubinta ka aheyn Ururka  ee madasha ku sugan ayaa fursad loosiiyay in uu khudbad ka jeediyo kulanka.

Sidoo kale Erygayga Q.Midoobe iyo xoghayaha guud ee Ururka Jaamacadda Carabta iyo inkabadan 3000 oo Ergo kor joogta ah ayaa ku sugan kulanka ka socda Addis Ababa.

Liibaan Jeexoow Cabdi
SomaliMeMo,Muqdisho

Related Items

https://twitter.com/africa_waleed