Al Shabaab Oo Weerar Madaafiic Ah Ku Qaadday Saldhigga Ciidanka Kenya Ee Kuyaal Deegaanka Ceel-Raam.

Tuesday February 13, 2018 - 16:41:40 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Al Shabaab Oo Weerar Madaafiic Ah Ku Qaadday Saldhigga Ciidanka Kenya Ee Kuyaal Deegaanka Ceel-Raam.

    Sida ay sheegayaan wararka ka imaanaya gobolka Waqooyi Bari ayaa sheegaya in ciidamada Al Shabaab ay weerar culus ku qaadeen saldhig Melleteri oo ciidanka Kenya ku sugnaayeen.

    Share on Twitter Share on facebook Share on Digg Share on Stumbleupon Share on Delicious Share on Google Plus

Sida ay sheegayaan wararka ka imaanaya gobolka Waqooyi Bari ayaa sheegaya in ciidamada Al Shabaab ay weerar culus ku qaadeen saldhig Melleteri oo ciidanka Kenya ku sugnaayeen.


Wararka ka imaanaya Waqooyi Bari ayaa sheegaya in weerar madaafiic ah lagu qaaday deegaanka Ceel Raam oo hoos yimaad deegaanka Ceel-Waaq halkaas oo ay ku suganyihiin boqolaal katirsan melleteriga Kenya ee duullaanka kusoo qaaday dalka Soomaaliya.

 
Xalay saqdii dhexe  ayay xoogaga Al Shabaab madaafiic ku weerareen deegaanka Ceelwaaq Kenya oo saldhig melleteri ay ku leeyihiin ciidamada Melleteriga wuxuuna deegaankan hoos taga magaalada Mandheera.


Ilo wareedyo ayaa sheegaya in saldhigga melleteri ee Caal-raam uu duqeyn ba’an kala kulmay ciidamo taabacsan Xarakada Shabaabul Mujaahidiin sida ay sheegeen dadka deegaanka, madaafiicda oo ahaa hoobiyaal ayaa ku dhacay gudaha saldhigga oo ay ku suganyihiin melleteriga Kenya.

War kasoo baxay Xarakada Al Shabaab ayaa lagu sheegay in duqeynta lagu qaaday saldhigga Ceel-Raam uu sababay dhimasho iyo dhaawac soo gaaray ciidamada Kenya balse xarakadu si xadidan uma sheegin khasaaraha soo gaaray melleteriga Kenya.

Dadka deegaanka ayaa sheegay in ay maqleen jugta madaafiic culus oo ku hoobanaysay saldhigyada ciidamada Kenya, isbuucan gudihiisa ayaa weerar midkaan lamid ah lagu qaaday saldhig ciidamada Kenya ku leeyihiin deegaanka Katulu waxaana weerarkaas ka dhashay khasaaro balse dowladda Kenya ma sheegin heerka uu khasaaruhu la egyahay.

Liibaan Jeexoow Cabdi
SomaliMeMo,Muqdisho

Related Items