Hoggaamiyaha Mucaaradka Itoobiya Oo Eedeyn Kulul Ujeediyay Xukuumadda Addis Ababa.

Thursday February 22, 2018 - 11:07:14 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Hoggaamiyaha Mucaaradka Itoobiya Oo Eedeyn Kulul Ujeediyay Xukuumadda Addis Ababa.

    Hoggaamiyaasha mucaaradka wadanka Itoobiya ayaa si kulul ugasoo horjeestay go'aankii ay dhawwaan soo saartay xukuumadda Addis Ababa ee wadanka gelinaya xaaladda degdegga ah.

    Share on Twitter Share on facebook Share on Digg Share on Stumbleupon Share on Delicious Share on Google Plus

Hoggaamiyaasha mucaaradka wadanka Itoobiya ayaa si kulul ugasoo horjeestay go'aankii ay dhawwaan soo saartay xukuumadda Addis Ababa ee wadanka gelinaya xaaladda degdegga ah.

Merida Godina oo ah hoggaamiyaasha xisbiga Shacbiga Oromia ayaa ku eedeeyay dowladda Itoobiya in ay geysanayso falal dambiyeedyo ka dhan ah dadka kacdoonka ka wada gobollada wadanka.

isagoo wareysi siinayay wargeyska Liberation ee laga leeyahay dalka Faransiiska ayuu reja xumo ka muujiyay in xukunka xaaladda degdegga ah uu wax ka qaban karo rabshadaha wadanka kajira.

Wuxuu sheegay in xukunkan uu sii kala qeybin karo bulshada wadanka Itoobiya isagoo xisbiga talada Itoobiya qabsaday sanaddii 1991 ku eedeeyay in uu sare uqaadayo hanaanka kaligii talisnimada.



Merida Godina ayaa xabsiga lagasii daayay Bishii Janaayo ee lasoo dhaafay wuxuuna ahaa Ninka ugu caansan hoggaamiyaasha mucaaradka ee ku lug lahaaday abaabulidda kacdoonka shacbiga ee Itoobiya ka bilaawday sanaddii 2015.

Wasaaradda Gaashaandhigga iyo ciidamada Sirdoonka ayaa talada Itoobiya la wareegay tan iyo markii uu iscasilay R/wasaarihii wadanka, kooxaha mucaaradka waxay saadaaliyeen in jagada R/wasaaraha cusub uu buuxin doono siyaasi kasoo jeeda qowmiyadda Tigreega.

Liibaan Jeexoow Cabdi
SomaliMeMo,Muqdisho

Related Items