Dowladaha Masar,Itoobiya iyo Suudaan Oo Ku kala Booday Wadahadalladii ay Ka lahaayeen Arrinta Biyaha Wabiga Niil.

Saturday April 07, 2018 - 12:10:42 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Dowladaha Masar,Itoobiya iyo Suudaan Oo Ku kala Booday Wadahadalladii ay Ka lahaayeen Arrinta Biyaha Wabiga Niil.

    Fashil iyo fahamwaa ayuu kusoo idlaaday shir saacado badan qaatay oo wadanka Suudaan uga furmay sedaxda dowladood ee ugu muhiimsan dowladaha uu maro Wabiga Niil.

    Share on Twitter Share on facebook Share on Digg Share on Stumbleupon Share on Delicious Share on Google Plus

Fashil iyo fahamwaa ayuu kusoo idlaaday shir saacado badan qaatay oo wadanka Suudaan uga furmay sedaxda dowladood ee ugu muhiimsan dowladaha uu maro Wabiga Niil.

Shir ka dhacay magaalada Khurduum ee caasimadda Wadanka Suudaan ayay dowladaha Suudaan, Masar iyo Itoobiya uga arrinsadeen sida laga yeelayo Biya xireenka Al Nahda ee Itoobiya ka dhisayso halka uu kasoo askumo Wabiga Niil.

Kulanka oo ahaa midkii ugu horreeyay oo ay dhinacyadu yeeshaan tan iyo markii dowladda Masar ay qaadacday wada xaajoodka sanaddii 2017 waxaa ka qeyb gelayay wasiirrada arrimaha dibadda,taliyaasha Mukhaabaraatka iyo guddiyada Farsamada sedaxda dowladood.


Ibraahiim Alghanduur oo ah wasiirka arrimaha dibadda Suudaan oo warbaahinta kula hadlay magaalada Alkhurduum ayaa sheegay in fashil uu kusoo idlaaday shirka isagoo muujiyay sida dowladdiisu uga xuntahay isfahamwaaga.

Saamix Shukri oo ah wasiirka arrimaha dibadda dowladda Masar ayaa isna ragga wararka fidiya u sheegay in shirkii sedax geesoodka ahaa ee Suudaan ka furmay lagu kala tagay wuxuuna carrabaabay in dowladdiisu sii wadi doonto cadaadiska dhanka diblumaasiyadda ah ee ay Itoobiya saareyso.

Arrimaha ugu adag ee lagu kala tagay ayaa ah laba arrin midda koowaad waa sida lagu buuxinayo waaskooyinka waaweyn ee Biya Xireenka Al Nahda,dowladda Itoobiya ayaa ku adkeysatay in ay bilaabayso buuxinta Barakada waaweyn ee iyo Biya xireenka halka Masar iyo Suudaan ay kasoo horjeesteen waxayna u arkaan tallaab halis gelin karta xisada ay ku leeyihiin Biya Wabiga Niil.

Qodobka 2-aad ee laysku maandhaafay ayaa ah sida loo maamulayo Biya Xireenka Itoobiya waxay ku adkeysatay in biya xireenka maamulkiisa ay iyadu umadax banaantahay.

Ilo wareedyo diblumaasiyadeed ayaa warbaahinta u sheegay in uu fashilmay dadaal ay dowladda Mareykanka ku doonaysay in ay ku dhax dhaxaadiso dowladaha sedaxda ah ee ku murunsan qeybisiga biya wabiga Niil.

Itoobiya waxay doonaysaa in ay dhammeystirto Biyaha xireenkan si ay Koronto ugasoo saarto wuxuuna noqonaysaa biyaha xireenka koowaad ee ugu weyn qaaradda Afrika iyo biya xireenka 10-aad ee ugu weyn caalamka.

Liibaan Jeexoow Cabdi
SomaliMeMo,Muqdisho

Related Items