Kumanaan katirsan ciidamada Xabashida Itoobiya ayaa billaabay in ay isaga baxaan magaalada Dhuusamareeb ee gobolka Galguduud bartamaha dalka Soomaaliya.

Wararka ka imaanaya Galguduud ayaa sheegaya in ciidamada Xabashida Itoobiya ay saaka aroortii isaga baxeen dhowr saldhig oo ay ku lahaayeen gudaha iyo hareeraha magaalada Dhuusamareeb.

Goob Joogayaal ayaa sheegay in ciidamada Itoobiya ay u dhaqaaqeen dhanka dhulka Soomaaligalbeed ee gummeysiga kujira, ciidamada oo wata gaadiidka gaashaaman iyo baabuurta Uuraallada loo yaqaan ayaa la arkayay iyagoo ku socdaalaya wadada laamiga ah.

Ilo wareedyo lagu kalsoonyahay waxay sheegayaan in ciidamada Itoobiya badankood ay baxeen marka laga reebo ciidamo wata gaari Uuraal ah iyo gaari Cabdi Bile ah.


Maleeshiyaadka Mushrikiinta Qabuura caabudka ah iyo ciidamada maamulka Galmudug ayaa lagu arkayaa gudaha Dhuusamareeb, mid kamida saraakiisha mushrikiinta ayaa warbaahinta u xaqiijiyay in Itoobiyaanku ay magaalada isaga baxeen balse aysan ogeyn halka ay ujiheysteen.

Sanaddii lasoo dhaafay ayay ciidamada gummeysiga Itoobiya sidaan oo kale uga baxeen degmada Ceelbuur ee isla gobolka Galguduud oo hadda uu kajiro maamul islaami ah.