Maleeshiyaad Isbaaraley Ah iyo Dadka Deegaanka Oo Ku Dagaallamay Kala Beyrka.

Sunday April 15, 2018 - 10:42:03 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Maleeshiyaad Isbaaraley Ah iyo Dadka Deegaanka Oo Ku Dagaallamay Kala Beyrka.

    Wararka ka imaanaya gobolka Hiiraan ee dhaca bartamaha dalka Soomaaliya ayaa sheegaya in dagaallo culus ay ka dhaceen deegaan kaabiga ku haya xuduud beenaadka.

    Share on Twitter Share on facebook Share on Digg Share on Stumbleupon Share on Delicious Share on Google Plus

Wararka ka imaanaya gobolka Hiiraan ee dhaca bartamaha dalka Soomaaliya ayaa sheegaya in dagaallo culus ay ka dhaceen deegaan kaabiga ku haya xuduud beenaadka.

Shalay gelinkii dambe iska hor'imaadyo culus ayaa deegaanka Kala Beyrka ku dhaxmaray maleeshiyaad Soomaali Amxaara kalkaal ah iyo dadka deegaanka.

Dagaalka ayaa yimid kadib markii maleeshiyaadka oo taageera ka helaya ciidamada Itoobiya ay isbaaro dhigteen Isgoyska istiraatiijiga ah ee Kala Beyrka kadibna dadka deegaanka oo is hubeeyay ayaa arrinkaas ka dhiidhiyay.

Mid kamida dadka deegaanka ayaa warbaahinta u xaqiijiyay in ciidamadoodu ay la wareegeen halkii lagu dagaallamay ayna cagta Mariyeen Isbaaradii Kala Beyrka lasoo dhigay.


Ilo wareedyo ayaa sheegaya in ciidamada Xabashida Itoobiya aysan wax gurmad ah ufidin maleeshiyaadka isbaaraleyda ah, Teendhooyin iyo guryo cooshada ah oo ay maleeshiyaadku maalintii khamiista ka dhisteen deegaanka Kala Beyrka ayay dadka deegaanka Dab qabadsiiyeen.

Waxgaradka degmada Jawiil ayaa horay saraakiisha Itoobiyaanka usheegay in aysan ogolaan doonin in isbaaro lasoo dhigo Kala Beyrka, sanaddii lasoo dhaafay daba yaaqadeedi ayay aheyd markii 10 sanadood kadib shacabka Jawiil ay xoog ku qaadeen isbaaradii ugu weyneed dalka Soomaaliya.

Liibaan Jeexoow Cabdi
SomaliMeMo,Muqdisho

Related Items