Weerar Safballaaran Ah Oo Lagu Qaaday Saldhigyada Ciidamada Itoobiya Ee Degmada Waajid.

Friday June 08, 2018 - 06:16:06 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Weerar Safballaaran Ah Oo Lagu Qaaday Saldhigyada Ciidamada Itoobiya Ee Degmada Waajid.

    Wararka ka imaanaya gobolka Bakool ee dhaca Koonfurta dalka Soomaaliya ayaa sheegaya in dagaallo culus ay dib uga qarxeen mid kamida magaalooyinka gacanta cadowga ku jira.

    Share on Twitter Share on facebook Share on Digg Share on Stumbleupon Share on Delicious Share on Google Plus

Wararka ka imaanaya gobolka Bakool ee dhaca Koonfurta dalka Soomaaliya ayaa sheegaya in dagaallo culus ay dib uga qarxeen mid kamida magaalooyinka gacanta cadowga ku jira.

Xalay fiidkii ayay dagaallo culus ka qarxeen gudaha iyo haraaraha degmada Waajid oo ay ku suganyihiin kumanaan katirsan ciidamada Xabashida Itoobiya.

Dagaalka ayaa yimid kadib markii xoogaga Al Shabaab ay dhowr jiho ka weerareen saldhigyada ciidamada gummeysiga Itoobiya ay ku leeyihiin Waajid, goob joogayaal ayaa sheegay in ay maqlayeen jugta madaafiicda iyo rasaas xooggan oo lays dhaafsanayay.

Ilo wareedyo ayaa sheegaya in dagaalkii xalay ay ka qeyb qaadanayeen gaadiidka dagaalka ee Tiknikada loo yaqaan oo ciidamada Al Shabaab ay adeegsanayeen.


Warar hordhac ah waxay sheegayaan in dab uu qabsaday Teendhooyin ku dhisnaa saldhigyada ciidamada Xabashida Itoobiya, dad ku sugan tuulooyin ka fog magaalada Waajid ayaa sheegay in sheedda ay ka arkayeen holac ka baxaya magaalada.

Waa guluf dagaaleedkii ugu xooganaa ee Shabaabul Mujaahidiin ay ku qaado degmada Waajid ee gobolka Bakool tan iyo bilashadii Bisha Barakeysan ee Ramadaan.

Liibaan Jeexoow Cabdi
SomaliMeMo,Muqdisho

Related Items