Al Shabaab Oo sheegtay in Weerar ay ku dishay Taliyihii ciidanka Kenya ee Deegaanka Faxfaxdhuun.

Sunday July 08, 2018 - 11:17:25 in Wararka by Super Admin
  • (Rating 0.0/5 Stars) Total Votes: 0
  • 0 0
  • Share via Social Media

    Al Shabaab Oo sheegtay in Weerar ay ku dishay Taliyihii ciidanka Kenya ee Deegaanka Faxfaxdhuun.

    Wararka ka imaanaya gobolka Gedo ayaa sheegaya in markale weerar madaafiic ah lagu qaaday saldhig melleteri oo ay ku suganyihiin ciidamo katirsan dowladda Kenya.

    Share on Twitter Share on facebook Share on Digg Share on Stumbleupon Share on Delicious Share on Google Plus

sawir hore Askari Kenyaan ah oo lagu dilay Lamu
Wararka ka imaanaya gobolka Gedo ayaa sheegaya in markale weerar madaafiic ah lagu qaaday saldhig melleteri oo ay ku suganyihiin ciidamo katirsan dowladda Kenya.

Dagaalyahannada Al Shabaab ayaa duqeeyay saldhigga ciidanka Kenya ee deegaanka Faxfaxdhuun oo qiyaastii 70 KM ujira magaalada Baraadheere.

Ilo wareedyo ayaa sheegaya in illaa 7 madfac ay ku dhaceen gudaha saldhigga labeegsaday waxaana ku dhintay askar iyo saraakiil katirsan ciidamada Kenya ee qeybta ka ah howlgalka AMISOM.

War rasmi ah oo kasoo baxay Xarakada Al Shabaab ayay ku sheegtay in weerar madaafiic ah ay ku dishay taliyihii ciidanka Kenya ee Faxfaxdhuun  iyo sidoo kale laba sarkaal.


"Taliyihii ugu sarreeyay saldhigga Ciidanka Kenya Ee Faxfaxdhuun iyo laba sarkaal oo kale ayaa la xaqiijiyay in ay ku dhinteen duqeyn shalay lagu qaaday xerada Cadowga" ayaa lagu yiri warka kasoo baxay Al Shabaab.

Wararka ayaa intaas ku daraya in diyaarad nuuca dagaalka ah ay ku degtay deegaanka Faxfaxdhuun waxayna daabushay Meydad iyo dhaawacyo sida ay sheegeen dadka deegaanka.

Isbuucii lasoo dhaafay sidaan oo kale ayay Al Shabaab madaafiic ugu weerareen isla saldhigga melleteriga Kenya ee Faxfaxdhuun, illaa iyo hadda wax war ah kamasoo bixin dowladda Kenya oo ku aaddan khasaaraha kasoo gaaray weerarada lagu qaaay saldhiggooda.

Liibaan Jeexoow Cabdi
SomaliMeMo,Muqdisho

Related Items