Dowladda Mareykanka Oo Ballaarinaysa Saldhigga ay ku leedahay Garoonka Balidoogle.

Saturday September 29, 2018 - 07:20:10 in Wararka by
  • (Rating 0.0/5 Stars) Total Votes: 0
  • 0 0
  • Share via Social Media

    Dowladda Mareykanka Oo Ballaarinaysa Saldhigga ay ku leedahay Garoonka Balidoogle.

    Wasaaradda gaashaandhigga ee dowladda Mareykanka ayaa shaaca ka qaaday in ay shirkad laga leeyahay dalka Mareykanka siisay qandaraas lagu dayactirayo, laguna ballaarinayo saldhigga ay ciidamadooda ku leeyihiin Soomaaliya ee ku yaalla garoonka Bali-Do

    Share on Twitter Share on facebook Share on Digg Share on Stumbleupon Share on Delicious Share on Google Plus

Wasaaradda gaashaandhigga ee dowladda Mareykanka ayaa shaaca ka qaaday in ay shirkad laga leeyahay dalka Mareykanka siisay qandaraas lagu dayactirayo, laguna ballaarinayo saldhigga ay ciidamadooda ku leeyihiin Soomaaliya ee ku yaalla garoonka Bali-Doogle ee duleedka degmada Wanlaweyn.


War ka soo baxay wasaaraddan ayaa lagu sheegay in qandaraaskan la siiyey shirkad lagu magacaabo URS oo fadhigeedu yahay gobolka North Carolina ee dalka Mareykanka taas oo dayactir iyo dib u habeyn ku sameyn doonta saldhiggaasi.

Howshan waxaa ku bixi doonta lacag gaareysa ugu yaraan 12.3 (Laba iyo toban dhibic saddex) milyan oo doolarka sida lagu sheegay warka ka soo baxay wazaarada difaaca ee dowlada saliibiyada Mareykanka.


Wasaaraddu waxay sheegtay in saldhigga loo sameyn doono goob loogu talagalay diyaaradaha waaweyn iyo kuwa yaryar, iyo guryo ay dagaan ciidamada Mareykanka ee halkaas ku sugan, waxaana la filayaa in shaqadaas ay soo gabagabowdo bishii Sept. ee sanadka soo socda 2019.

Saldhigga Bali-doogle, oo dadka qaarna ay u yaqaanaan garoonka Walaweyn, waa garoon diyaaradeed oo ku fadhiya masaaxo dhan 3.2 km, waxaana sanadkii 1970 dhisay midowgii Suufiyeet ee taageeri jiray dowladii shuuciga ahayd ee uu hogaaminayey Maxamed Siyaad Barre.

Mareykanka ayaa garoonkaasi ka dhigtay saldhig military oo uu ka hago duullaanada military iyo duqeymaha xagga cirka ah ee uu ku beegsado Muslimiinta Soomaliya dhowrkii sano ee ugu dambeeyey, waxaana hadda halkaas dagan cutubyo ka tirsan ciidamada Mareykanka, kuwa ka mid ah Ciidamada AMISOM  iyo maleeshiyaatka calooshood u shaqeystayaasha ah ee loo yaqaano DANAB ee uu Mareykanku soo tababaray.

SomaliMeMo,Muqdisho

Related Items