Dowladda Uganda Oo Xaqiijisay in Askar looga Dilay Dagaalkii Magaalada Marka.

Wednesday October 17, 2018 - 19:16:56 in Wararka by Liibaan Jeexoow
  • (Rating 0.0/5 Stars) Total Votes: 0
  • 0 0
  • Share via Social Media

    Dowladda Uganda Oo Xaqiijisay in Askar looga Dilay Dagaalkii Magaalada Marka.

    Dowladda Uganda ayaa xaqiijisay in ciidamo looga dilay dagaal culus oo maalmo ka hor ka dhacay magaalada Marka ee xarunta gobolka Shabeellaha Hoose ee Koonfurta Soomaaliya sida uu xaqiijiyay Afhayeen Melleteri.

    Share on Twitter Share on facebook Share on Digg Share on Stumbleupon Share on Delicious Share on Google Plus

Sawir hore askar Uganda looga dilay Somalia
Dowladda Uganda ayaa xaqiijisay in ciidamo looga dilay dagaal culus oo maalmo ka hor ka dhacay magaalada Marka ee xarunta gobolka Shabeellaha Hoose ee Koonfurta Soomaaliya sida uu xaqiijiyay Afhayeen Melleteri.


Lt. Col. Deo Akiiki oo ah ku xigeenka Afhayeenka Melleteriga Uganda ayaa wakaaladda wararka Shiinaha Xinhua u sheegay in ugu yaraan 2 Askari looga dilay dagaal Talaadadii lasoo dhaafay ay ciidamada Uganda kula galeen xoogagga Al Shabaab magaalada Marka xilli halkaas uu ku sugnaa Max'med Cabdullaahi Farmaajo oo ah madaxweynaha dowladda Federaalka.


"Ciidamadeenna kamidka ah Howlgalka Midowga Afrika ee AMISOM ayaa weerar dhabbagal ah kala kulmay dagaalyahannada Al Shabaab laba Askari ayaana noogala dilay weerarka xilli uu magaalada Marka booqanayay Farmaajo" ayuu Afhayeenka melleteri ee u hadlay dowladda Uganda Khadka taleefanka ugu sheegay wakaaladda Wararka Shiinaha.

Col. Deo Akiik wuxuu xaqiijiyay in ciidamada Uganda ee ku sugan magaalada Marka ay la kulmeen weerar gaadma ah islamarkaana ay jiraan ciidamo kale oo si xun ugu dhaawacmay dagaalkii dhacay talaadadii lasoo dhaafay balse wuxuu ka gaabsaday in uu carrab dhabo magacyada askarta dhaawacantay iyo kuwa dhintay.

Wuxuu sheegay in faah faahin dheeri ah oo ku saabsan dagaalkii magaalada Marka iyo khasaaraha rasmiga ah ee ka dhashay ay ka sugayaan howlgalka Midowga Afrika ee Soomaaliya.

Sida Muuqata Dowladda Uganda ayaa shacabkeeda ka qarinaysa khasaaraha lixaadka leh ee kasoo gaaray dagaalkii magaalada Marka, Xarakada Shabaabul Mujaahidiin oo warbaahinta uga warbixisay dagaalkii ka dhacay Xarunta Sh/Hoose ayaa sheegtay in ciidamadeedu ay dileen 15 Askari Yugaandheys ah islamarkaana ay saanado hub ah ka qabsatay shisheeyaha.

SomaliMeMo,Muqdisho


Related Items