Shabakada Wararka ee SomaliMeMo

Qabuura Galeenka Mushrikiinta ah ee qaska ka wado deegaanno kooban oo katirsan Gobalka G/gaduud ayaa cadaystay Mowqifkooda shareeca diidaka ah oo ay Itoobiya wakiilka uga yihiin Soomaaliya.

Wararka naga soo gaaraya Cabdwaaq ayaa xaqiijinaya in Maamulka degmadaasi uu xayiraad ku soo rogay Idaacado madax banaan oo ka jiray gudaha degmadaasi Cabudwaaq ee G/gaduud.


Weriyaal ku sugan degmada Cabudwaaq ayaa xaqiijiyay in laxiray Idaacadaha kala ah Radio Abudwak iyo Radio Bad-baado oo labaduba kamid ahaa Idaacadaha fara kutiriska ah ee ka shaqeeya G/gaduud.


Agaasimaha Radio Bad-baado C/weli Xasan Jumcaale ayaa Warbaahinta u sheegay in Idaacadda ay xireen kadib markii ay u dul qaadan waayeen Awaamir xad dhaaf ah oo ay kala kulmeen Mushrikiinta.


Wuxuu sheegay in lagu amray in ay joojiyaan Casharka Tafsiirka Qur'aanka oo uu Idaacadda ka Akhriyo Sheekh Max'med cabdi Umal iyo aanay deyn karin Duruus ku saabsan Xajka oo uu Idaacadda ka jeediyay Sheekh Max'med Dirir sidoo kalane aan Idaacadda laga deyn karin wararka Shabaabul Mujaahidiin.

"Idaacadii waan iska xirnay kadib markii aan u dul qaadan weynay awaamirta ad adag ee Ahlusuna, waxay nagu amreen in aan joojino Duruusta ay Idaacadda ka Akhriyaan Shekh Umal iyo Sheekh Dirir iyo in aanan adeegsan karin Shabaabul Mujaahidiin, awaamirtaas waxaan u fahanay kuwa shaqada Idaacadda lagu diidanyahay waana deminay idaacadda "ayuu yiri Agaasime C/weli Xasan Jumcaale.

Agaasimaha Radio Abudwak C/kariim Bulxan ayaa isna sheegay in Awaamir ad dag lagusoo rogay islamarkaana la faray in aan Radiyaha laga dayn karin Siirada Nabiga ee uu Akhriyo Sheekh Mustafe Xaaji Ismaaciil Haaruun iyo in adeegsiga Shabaabul Mujaahidiin meesha laga saaro.

"Maamulka ayaa noo yeeray waxay nafareen in aan joojino duruusta Sheekh Mutafe Xaaji Ismaaciil Haaruun islamarkaana aan joojino magaca Shabaabul Mujaahidiin, Radiyaha aan maamulaha ka ahayn waxaa ka baxa duruusta sheekh Musatafe dadkuna ay aad u jecelyihiin waxaa igu adkaatay in aan joojiyo duruustaas sidaas ayaana Idacadda u xiray"ayuu yiri Buxan.

Mushrikiinta Qabuura Caabudka ah ayaa Culimada Salafka ah u yaqaan Wahaabiyo waxayna qoonsadeen xaqqa ay ka sheegayaan Kitaabka alle, talaabadan ay ku dhaqaaqeen Mushrikiinta ayaa shacabka Muslimiinta ah u cadaynaysa in kooxdaasi cadaw tahay madaama ay diidanyihiin faafinta diinta Islaamka.

Qabuura Galeenka ayaa si gaar ah u dhibsade Siirada Nabiga ee uu Sheekh Mustafe uga hadlayo Dagaalkii dhaxmaray Mushrikiintii Qureesh iyo Asaxaabtii nabi Maxamed Nabad-geylo dushiisa allaha yeelee.

Shacabka Cabudwaaq ayaa la sheegay in si tartiib tariib ah ugu baraarugayaan Mushrikiinta oo hortay u xirtay Masaajid iyo dugsiyo qur'aanka lagu barto oo ay ku sheegeen Wahaabiyo khilaafsan suufinimada.

Waa Markii ugu horaysay oo Idaacad ku taal Soomaaliya loo xiro baahinta Duruusta Diiniga ah , arrintan ayaa u muuqaal Eg dhaqankii isbahaysigii dagaalanka Towxiidka ee Muqdisho ka curtay Feberaayo sanadii 2006-da markii dambana laga adkaaday.