Kumanaan maalgashayaal shisheeye ah ayaa billaawday in ay isaga firxadaan magaalo katirsan wadanka Uganda oo ay fatqalado kajiraan.

Wadanka Uganda warar laga helayo ayaa sheegaya in xukuumaddu ay ciidan isugu jira Police iyo Military ay udaad guraysay dhanka magaalada Liira, kadib markii cabsi xooggan ay lasoo gudboonaatay dadka Ajaanibta ah ee maal gashiga ganacsi ka sameystay magaaladaas iyo magaalooyin kale oo dhawaca woqooyiga wadanka, kuwaas oo waayadan dambe Hanjabaado kala kulmayey dadka deegaanka ah.

Ugu yaraan 50 Shirkad oo ay leeyihin ganacsato u dhashay wadanka Shiinaha oo maalgashi ku sameystay wadanka Uganda ayaa hanjabaadahan ula kulmay si isku mid ah, qaarkood ayaana hakad galiyey wax soo saarkoodii joogtada ahaa iyagoo naftooda u baqanaya, arrinkaas oo qasbay in dowladdu ay ciidan geyso magaalooyinka dhaca woqoyiga wadanka si loo ilaaliyo dadka ajaanibta ah.

Hanjabaadaha ayaa yimid kadib markii 2 Nin oo la sheegay in ay asal ahaan kasoo jeedaan wadanka Shiinaha ay dileen arday 11 sano jir ah oo u dhashay wadanka Uganda, kaas oo ay ku dhex ceejiyeen gaari kuwa adeegyada qaada ah oo ay wateen, arrinkaas ayaana dhaliyey caro xooggan oo dadka deegaanka saameyn ku yeeshay.

Waxaa lagusooo waramayaa in magaalada Lira ay ka dhecen dibad baxyo xooggan oo ka dhan ah dadka ajaanibta ah, kooxo dhalinyara ah ayaana weerar ku qaaday suuqyo ay lahaayeen dad ukala dhashay wadamada Hindiya iyo Shiinaha, inkastoo ciidanka Police-ka ay kasoo gaareen oo ay badbaadiyeen dadkii ganacsatada ahaa ee weerarka la kulmay.