Ciidamada Jabuuti ee qeyb ka ah howlgalka AMISOM ayaa gaaray magaalada dhuusamareeb ee gobolka Galguduud bartamaha dalka Soomaaliya.

Ciidamadan oo wata gaadiidka gaashaaman ayaa ka amba baxay Beled weyne ee gobolka Hiiraan waxayna dhanka dhulka ka galeen gobolka Galguduud.

Dad ku sugan Dhuusamareeb ayaa sheegay in ciidamada Jabuuti lagu wareejiyay garooka diyaaradaha magaalada iyo xarun lagu qaban doono shir dib loogu dhisamayo maamulka dabadhilifka ah ee isku magacaabay Galmudug.

tagitaanka ciidamada AMISOM ee galguduud wuxuu imaanayaa waqti khilaafkii u dhaxeeyay Suufida iyo dowladda la qaboojiyay, waxaa lafilayaa in dhuusamareeb ay gaarayaan mas'uuliyiinta ugu sarraysa dowladda Federaalka.

Isbuucii lasoo dhaafay maleeshiyaadka maamulka Suufida ee sii burburaya ayaa ciidamada Jabuuti iska hor istaagay in ay ka gudbaan degmada Matabaan oo kala qeybisa gobollada Hiiraan iyo Galguduud.