Diyaaradaha Yahuudda oo duqeeyay Koonfurta dalka Suuriya.

Saturday July 25, 2020 - 10:56:22 in Wararka by Liibaan Jeexoow
  • (Rating 0.0/5 Stars) Total Votes: 0
  • 0 0
  • Share via Social Media

    Diyaaradaha Yahuudda oo duqeeyay Koonfurta dalka Suuriya.

    War rasmi ah oo kasoo baxay taliska ciidanka Yahuudda ayaa lagu sheegay in diyaarado dagaal ay ku duqeeyeen bartilmaameedyo kuyaalla gudaha dalka Suuriya.

    Share on Twitter Share on facebook Share on Digg Share on Stumbleupon Share on Delicious Share on Google Plus

War rasmi ah oo kasoo baxay taliska ciidanka Yahuudda ayaa lagu sheegay in diyaarado dagaal ay ku duqeeyeen bartilmaameedyo kuyaalla gudaha dalka Suuriya.


Diyaaradaha Yahuudda ayaa la sheegay in ay gantaallo ku beegsadeen saldhigyo melleteri oo kuyaal gobolka Alquneydarah ee dhaca Koonfurta Suuriya islamarkaana xuduud beenaadka Falasdiin kulaala.

Afhayeen uhadlay melleteriga Yahuudda ayaa sheegay in diyaaradaha Helicopters-ka ay ku weerareen laba saldhig oo ciidamada nidaamka Suuriya ay ku lahaayeen meel ku dhow aagga khadka cagaaran ee Buuralayda Jowlaan.


Yahuudda ayaa weerarkan ku macnaysay difaacu nafsi ay uga jawaabayeen weerar shalay lagu qaaday xarumo Yahuuddu ku lahaayeen buuralayda Jowlaan waxaana weerarkaas ka dhashay waxyeello gaartay gaadiid iyo dhismayaal.

"Melleteriga Israa'iil ayaa diyaarado Helicopters ah ku weeraray bartilmaameedyo kuyaal Koonfurta Suuriya iyagoo ka jawaabayay weerar daandaansi ah oo shalay lagusoo qaaday" sidaas waxaa yiri Afhayeenka ciidanka Yahuudda.

Dhinaca kale nidaamka bishaar Al Asad ayaa qiray in weerar cadowtooyo ay lakulmeen ciidamadiisa xuduud beenaadka ku sugan, wakaaladda wararka SANA ayaa sheegtay in 2 askari ay ku dhaawacmeen gantaallada kasoo dhacayay diyaaradaha Yahuudda islamarkaana ay waxyeello soo gaartay dhismayaal.

Tallaabadan ayaa imaanaysa laba maalmood kadib markii ay Yahuuddu kumanaan askari ku daad gureeyeen deegaanada xuduudaha dhaca si ay uga feejignaadaana wax ay ugu yeereen khataro ka imaanay Ururka shiiciga Xisbullaah.

Liibaan Jeexoow Cabdi
SomaliMeMo,Muqdisho
[email protected]

Related Items