Al Shabaab oo sheegtay Mas'uuliyadda weerar naf hurnimo oo lagu beegsaday xarunta Iskoola Boliiziyo.

Tuesday November 17, 2020 - 15:22:02 in Wararka by Liibaan Jeexoow
  • (Rating 0.0/5 Stars) Total Votes: 0
  • 1 3
  • Share via Social Media

    Al Shabaab oo sheegtay Mas'uuliyadda weerar naf hurnimo oo lagu beegsaday xarunta Iskoola Boliiziyo.

    Jugta qarax aad uxooggan ayaa maanta duhurkii laga maqlay inta badan xaafadaha degmooyinka XamarJajab,Waaberi iyo Xamarweyn kaasi oo lagu beegsaday saldhig ciidan.

    Share on Twitter Share on facebook Share on Digg Share on Stumbleupon Share on Delicious Share on Google Plus

Jugta qarax aad uxooggan ayaa maanta duhurkii laga maqlay inta badan xaafadaha degmooyinka XamarJajab,Waaberi iyo Xamarweyn kaasi oo lagu beegsaday saldhig ciidan.


War rasmi ah oo kasoo baxay Xarakada Shabaabul Mujaahidiin ayay ku sheegatay mas'uuliyadda weerarkan oo ahaa mid naf hurnimo "Mujaahidiinta ayaa camaliyad istish-haadi ah ku beegsaday saldhigga kooxda Ridada ee Iskoola Boliiziyo magaalada Muqdisho, khasaaraha cadawga gaaray waa 12 dhimasho ah iyo dhaawaca 14 kale" ayaa lagu yiri war kooban oo kasoo baxay Taliska ciidanka Al Shabaab.


Ilo wareedyo ayaa sheegaya in qaraxu uu beegsaday isku imaatin ay ku sugnaayeen saraakiil katirsan ciidamada Booliska dowladda Federaalka.

Sawirro lagasoo qaaday goobta uu weerarku ka dhacay ayaa muujinayay burbur xooggan oo gaaray goobta  iyo dhiig ka daatay askarta iyo saraakiisha lagu dilay weerarka naf hurnimo.

Wararka ayaa intaas ku daraya in askarta dhintay iyo kuwa dhaawacmay ay dhammaantood yihiin ciidamada Booliska dowladda Federaalka ee badanaa ay layliyaan dowladaha shisheeye.

Goobta uu qaraxu ka dhacay ayaa ah mid si aad ah ammaankeeda loo ilaaliyo oo kamid ah xayndaabka ay ku xoogganyihiin ciidamada sirdoonka iyo kuwa Booliska dowladda, weerarada Al Shabaab ayaa ah kuwa si xowlli ah uga socda inta badan degmooyinka gobolka Banaadir waxaana fashilmay dhammaan isku dayadii ay dowladda Farmaajo ku doonaysay in ay ku ilaashato xarumaheeda.

Liibaan Jeexoow Cabdi
SomaliMeMo,Muqdisho

Related Items