Xilli ay xiisado siyaasadeed ka aloosanyihiin gobolka Hiiraan ayay dowladda Farmaajo halkaas udaabushay ciidamo si ay udifaacaan maamul iyada daacad u ah.

Diyaarado sida boqolaal maleeshiyaad ah ayaa saaka ka degay garoonka diyaaradaha magaalada Beled Weyne waxaana la dajiyay saldhigyo kuyaal duleedka magaalada.

Ilo wareedyo ayaa sheegaya in ciidamadan ay difaaci doonaan maamulka Hirshabelle oo colaadin kala kulmaya sarkaal gadooday oo lagu magacaabo Jeneraal Xuud kaasi oo ciidamo aruursi ka wada gudaha iyo hareeraha Beled weyne.

Ciidamadan lageeyay Hiiraan oo si gaar ah daacad ugu ah Farmaajo iyo Fahad Yaasiin ayaa sugi doono ammaanka Cali Guudlaawe hoggaamiyaha maamulka Hirshabelle oo awoodi waaye in uu booqdo Beled weyne sababa laxiriira diidmo uga imaanaysa siyaasiyiinta gobolka oo aad ugasoo horjeedo qaabka loo dhisay maamulka fadhigiisu yahay magaalada Jowhar.


Arrimahan ayaa kusoo aadaya xilli dagaallo dad badan ku dhinteen ay isbuucyadii lasoo dhaafay ka dhacayeen degmada Matabaan ee dhacda halka ay iska galaan gobollada Hiiraan iyo Galguduud.