Sheekh Xuseen Binu Maxamuud oo ka mid ah Culimada Muslimiinta ee wax ku qora Muntadayaatka Jihaadiga ayaa tacliiqiiyay ku dhawaaqistii dowladda islaamiga ah ee ku aadaneyd inay dhistay "khilaafo islaami ah" iyo baaqii ay u jeediyeen dhammaan dadka Muslimiinta ah inay beylco la galaan "khaliifka" la magacaabay.

Inkastoo Sheekha Maqaalkiisa uu dheeryahay, haddana waxaan isku dayi doonnaa inaan soo koobno waxyaabaha ugu muhiimsan ee Sheekhu uu kusoo hadal qaaday maqaalkiisaan qiimaha badan, waxaana qeybta dambe idiinku soo gudbin doonnaa Maqaalka oo Luqadda Carabiga ku qoran.

Ugu horreyn Sheekhu waxa uu maqaalkiisa kusoo qaaday muhiimadda ay dadka Muslimiinta ah u leedahay soo noqoshada khilaafada, taas oo uu ballan qaaday Rasuulka SCW, wuxuuna Rasuulka noo sheegay inay soo noqon doonto khilaafo ku dhisan Manhajka nabinimada kadib marka uu dhamaado xukunka Jabriga ah.

Axaadiith laga weriyay Rasuulka SCW ayaa waxay sheegayaan in marka la gaaro Aakhiru zamanka inuu soo bixi doono khaliifka ugu dambeeya ee wax ku maamuli doona Manhajka nabinimada, kaas oo ah Muxamed Binu Cabdullaahi Al-Mahdi Alxasani Alqurashi, waxaana khaliifkaas uu soo dagi doonaa xilliga uu soo baxaayo Nabi Ciise Caleyhi Salaam, isagoona kusoo dagi doona Manaaratul Beydaa oo ku taalla magaalada Dimishiq.

Sida ay sheegayaan Axaadiith-ta laga weriyay Rasuulka SCW, xilligaas dhulka Shaam waxaa ka jiri doona Xukun islaami ah, marka laga reebo dhulka hadda loo yaqaano Filastiin oo ay heystaan Yuhuudda, waxaana halkaas kula dagaallami doona Ciidanka Muslimiinta, isla waqtigaas waxaa iyana Jaziiradda Carabta ka jiri doon rag Mujaahidiin ah, kuwaas oo Mahdiga Beyco kula geli doona meel u dhow Kacbada, waxaana markaas billaaban doona Malaaxmita u dhaxeeya Muslimiinta iyo Roomaanka.

Horudhacaas kadib, waxa uu Sheekhu ka hadlay qaabkii Saxaabada Alle haka wada raalli noqdee usoo dooran jireen Khulafada Muslimiinta, laga soo billaabo geeradii Rasuulka SCW, doorashadii Khulafadii Raashidiinta ahaa illaa laga soo gaaro khilaafadii Cumar Binu Cabdul Caziiz.

Wuxuu yiri Sheekh Xuseen Binu Maxamuud :

"Rasuulka SCW ayaa geeriyooday cidna uma daar daarmin in khaliif laga dhigo, laakiin wuxuu bixiyay tilmaamo muujinaya in Abuu Bakar As-sidiiq RC uu ku haboonyahay, markii Ansaarta ay ku kulmeen gurigii "Saqiifa” waxaa halkaas isugu yimid ragga saxaabada ugu waaweyn waxayna isku afgarteen in Abuu Bakar As-sidiiq ay u doortaan inuu Muslimiinta hogaamiyo, kadibna waxaa beyco la galay ragga saxaabada ugu waaweyn iyo dadka Ahlul xalli wal caqdiga ah, sidaas ayuu ku noqday khaliifada Muslimiinta. Markii uu Abuu Bakar dareemay inay soo dhawaatay geeridiisa wuxuu wada tashi la sameeyay Saxaabada wuxuuna soo jeediyay in Cumar laga dhigo Khaliifada Muslimiinta, Saxaabada badankood way ka raalli noqdeen, halka qaar kalena ay diideen, laakiin Abuu bakar wuxuu dadaal ku bixiyay inuu saxaabada kuwada qanciyo, illaa ugu dambeyntii badankood ay ogolaadeen, kadibna wuxuu go’aankii u bandhigay reer Madiina, way waafaqeen, sidaas ayuu Cumar ku noqday khaliifada Muslimiinta”.

"Sidaas ayay ku socotay beycada Khilaafada ee ku dhisan Manhajka Nabiga, xilligaasna ma dhicin cid awood beyco ku qaadatay, beycada waxay inta badan ku dhaceysay iyadoo raalli laga wada yahay, oo loo marayo dhinaca Ahlul Xalli wal Caqdiga, waxaana ugu horreeyay khilaafo awood ku timaada tii Cabdul Malik Binu Marwaan, kaas oo dagaal la galay Saxaabigii kasoo horjeeday ee Cabdullaahi Binu Zubeyr, kadibna uu ku dilay magaalada Makka. Culimadu waxay fatwoodeen inay sharci tahay khilaafada xoogga ku timid iyadoo la ilaalinayo dhiigga Muslimiinta, laakiin taas ma ahan dariiqada saxda ah ee Khaliif lagu doorto”.

Sheekha oo sii hadlaya wuxuu yiri :

” Soo celinta khilaafada ku dhisan Manhajka nabinimada, kuma imaan karto illaa la maro Axkaamtii loo maray waqtigii khilaafada koowaad ee Muslimiinta, Umadna kuma hagaageyso illaa wixii ay ku hagaageen dadkii ka horreeyay, waxaa laga maarmaan ah in mubaayaco lala galo dadka Ahlul xalli wal caqdiga ah ee Umadda ku jira, si ay khilaafadu sharci u noqoto, waxaanna horey u sheegnay in Ahlul Xalli wal caqdiga maanta ay yihiin Culimada Rabbaaniyiinta ah iyo hoggaanka Jihaadka ee ku sugan Khurraasaan (Afghanistan) Qooqaaz, Jaziiradda Carabta, Maghrib Al-islaami, Soomaaliya, iyo dhufeysyada kale ee Jihaadka ee ku hoos dagaallamaya Raayo Islaami ah oo cad, haddii kuwaas ay beyco la galaan khilaafada la iclaamiyay waxay noqoneysaa mid sax ah, kuna waajib ah dadka Muslimiinta ah ee caalamka ku nool, markaasna ma furna in laga doodo”.

Intaas kadib wuxuu Sheekhu ka hadlay mowqifkiisa ku aadan iclaaminta dowladda islaamiga ah ee "Khilaafada” iyo beycada Abuu Bakar Al-Baqdaadi, ma tahay mid sharci ah, waajib ma tahay beycadiisa? . Wuxuuna Sheekhu mowqifkiisa kusoo koobay dhowr qodob isagoo yiri :

1 – Ma ihi Sheekha islaamka, iyo ruux Mufti u ah dadka, waxaan ahay qof ka mid ah dadka Muslimiinta ah oo ku ijtihaayada caqligiisa gaaban iyo cilmigiisa yar, wixii xaq ah ee aan toosinay Fadliga Alle ayay ku ahaadeen, wixii aan khaldayna xaggeyga iyo xagga Sheydaan ayay ka ahaadeen.

2- Ra;yigeyga iyo Ijtihaadkeyga gaaban qofna kuma qasbana inuu qaato ee waa mid aan Diin ahaan u aaminsanahay, oo aan raalli kaga ahay nafteyda, qofna yuusan dhihin ra’yiga Sheekhu waa kan sharciga ah, ee waa aragtideyda iyo dadaalkeyga gaaban, wuxuu xambaarsanaan karaa sax iyo khalad.

3- Aragtideyda ku aadan beycada, waa ra;yiga Cabdullaahi Binu Cumar RC oo uu yiri ” : Aniga waxaan ahay ruux Muslimiinta ka mid ah, hadday beyco galaan waan galayaa”, waxaana qabaa inaysan beyco sharci ah dhici karin illaa inta ay ka waafaqayaan Ahlul Xalliga wal caqdiga.

4-Taas kama dhigna inaan taageersaneyn "dowladda islaamiga ah” ee waxaan ku taageersan nahay dagaalkeeda ka dhan ah cadowga diinta ee isugu jira Raafidada, Munaafiqiinta iyo Murtaddiinta.

5- Waxa iga soo gaaray Sheekh Baqdaadi waa inuu u qalmo qaadista amaanadaas, kumana ceebeynayo, waa nin Jihaad, nin Cilmi, iyo nin ammaano, ee sababta lagu heysto waa la tashi la’aanta walaalihiisa uu Jihaadka kala dhaxeeyo.

6- Kuma raacsani Dowladda dagaalka ay kula jirto Jamaacaatka Muslimiinta iyo ku talax taggooda Takfiirinta, waxaana ugu baaqeynaa inay ku dadaalaan isu keenidda kalimada, iyo la xiriiridda dhammaan Jamaacaatka Jihaadiga ah ee Shaam ku sugan, waxaan sidoo kale Sheekh Baqdaadi ugu baaqeynaa in Ciidankiisa uu amro inaysan ku dheeraan masaa’isha Gaaleysiinta iyo duridda dadka Saabiqada u leh Jihaadka iyo Culimada.

7- Waxaan ugu baaqayaa hoggaanka Jihaadka ee Khurraasaan, Ciraaq iyo meelaha kaleba inay Alle ka baqaan oo aysan kala geyn kalimada Muslimiinta, oo aysan murmin, kuna midoobaan kalimad mid ah, oo sufuuftooda iyo raayadooda mideeyaan, ayna wada xiriiraan oo ay xaqqa isu dar daarmaan iyo inuusan loolankooda noqon mid salka ku haya aduunyadan liidata ee baaba’aysa, aduunyadu waa Daar liidata, Aakhiro ayaa ah Daar lagu waarayo.

8-Qofkii Muslimiinta ka tirsan ee arka inuu la mubaayacoodo Al-Baqdaadi taas waa Ijtihaadkiisa, kuma inkireyno, dowladda islaamiga ah waxay leedahay awood iyo tamkiin usuura gelinaya inay qaaddo culeyskaas weyn, waxaan Alle ka baryeynaa inuu guuleeyo, kagana gar gaaro cadowgooda, waxaana ugu baaqeynaa kooxaha kale inay dowladda daayaan si ay cadowga ula dagaalanto.

9- Waxaan dowladda ku leenahay : Haku qasbina Muslimiinta arrin waasic ah, dadkana ugu yeera waddada rabbigiina si xikmad leh iyo waano wanaagsan, hana dalbina beycada gacmaha, iyadoo aysan jirin beycada qalbiga, ku mashquula dagaalka gaalka cadowga ah, taas ayaana mudan in dadku ay idiinku taageeraan, markaas ayayna garan doonaan runtiina iyo xaqiiqda arrinkiina.

10- Waxaan Kalimad u jeedinayaa Muslimiinta, waxaana leeyahay : waxaa habboon inaad ku baraarugtaan dhagarta cadowga, Obama wuxuu iclaamiyay in 500 oo malyuun oo Doollar ku taageerayo kooxaha qunyar socodka ah ee Suuriya, maalinta ku xigtana waxaan aragnay dabaabaadka qaar ka tirsan Jamaacaatkaas oo duqeynaya goobaha Mujaahidiinta joogaan iyagoo difaacaya Nuseyriyada.

11- Dadka qaarkood waxay isweydiinayaan, waa ayo Ahlul Xalli Wal Caqdi. Ahlul Xalli wal Caqdigu waa kuwa ay dadku ku kalsoonyihiin Cilmigooda, Caqligooda, runtooda, iyo Naseexadooda, waa Umadda hoggaankeeda iyo madaxdeeda, xilligii Madiina Ahlul Xalli Wal caqdiga waxaa ahaa Ragga ugu waaweyn Saxaabada, kadibna waxaa noqday taabiciinta, hogaamiyeyaasha Ciidamada, Culimada, hoggaanka Umadda, iyo madaxda qabaa’ilka.

Aniga ra;yigeygana maanta waxaa Ahlul Xalli wal caqdi ah Culimada Rabbaaniyiinta ah iyo madaxda Jabahaatka oo ay ugu horreeyaan Al-Mulla Cumar, Sheekh Ayman AlDawaahiry iyo kuwa la midka ah, qof insaan ahna ma rumeysan karo sida ay suurtagal u noqon karto in lagu dhawaaqo beyco khilaafo ah, iyadoo aan lala tashan Culimadaas.

Mujaahidiinta ugu badan ee Afghanistan, Pakistan iyo Kishmiir waxay raacsanyihiin Alumalla Cumar, inta badan Mujaahidiinta Jaziiratul Carab, Maghrib, Soomaaliya iyo meel kalena waxay raacsanyihiin Sheekh Ayman Al-Dawaahiri, wax suuragalayana ma aha in iyaga laga tallaabsado marka lagu dhawaaqayo arrinkan oo kale.

Naseexo Sheekh Abuu Muxamed Al-Cadnaani

Sheekhu waxa uu sidoo kale kalimad yar oo naseexo ah u diray Afhayeenka Dowladda islaamiga ah Sheekh Abuu Muxamed Al-Cadnaani, wuxuuna yiri

"Horudhaca aad u sameysay Bayaankii "Khilaafada” waa mid aad u wanaagsan, laakiin marka aad "khilaafada” iclaamisay kadib waxaa ku hadashay ereyo ay habboonaan laheyd inaad iska dhaafto, khilaafadu waxay ka tarjumeysaa isu soo dhaweyn iyo kalimad mideyn, ee ma aha hanjabaad, gooddin iyo in la liido koox ama Jamaaco, waxaa kugu filnaan laheyd inaad ku kaaftoonto Bayaanka Iclaaminta "Khilaafada” adigoo aan soo hadal qaadin Jamaacaat, kooxo iyo hogaamiyeyaal, waxaa haboonaan laheyd inaad "khilaafada” u iclaamisaan qaab jecleysiinaya dadka Muslimiinta ah, isuna soo dhaweynayna, shey walba oo naxriis leh Miizaan ayuu yeeshaa, Muslimiintuna waa kuwa dhexdooda isu naxriista, Allena wuxuu faray Nabigiisa SCW inuu u jilicanaado asxaabtiisa.

Dadka islaamka ah marka lala hadlayo waxaa asal ah dhimrinta iyo naxriista, Gaalada marka lala hadlayana waxaa asal ah : ad adeyg, kakanaan, hanjabad iyo cagajugleyn "أشدّاء على الكفّار رحماء بينهم”

Is qaad qaadista marka hadalka la jeedinayo kuma habboona Muslimiinta, ee waxaa loogu talo galay Gaalada أذلّة على المؤمنين أعزّة على الكافرينsidaas darteed ma habboona in arrimahaas la isku khaldo, Alle hanoo wada dembi dhaafo annaga iyo adinkaba.

Ugu dambeyntii wuxuu Sheekhu maqaalkiisa kusoo gaba gabeeyay :

"Riyada Khilaafada waa mid ay weligooda Muslimiintu ku taamayeen, iyadoo dadkii umadda ugu kheyrka badnaa ay maalkooda iyo naftooda ku bixiyeen u gogol xaaridda soo celinta khilaafada, ma garanayo Jamaaco islaami ah oo loo dhisay wax aan hadafkaas aheyn, iclaaminta khilaafada ma ahan wax sahlan sida ay dadka qaarkiisa u maleeyeen, dowladaha gaalada waxay dareemeen khatartaas kusoo fool leh, waxey ilooween oo ay meel iska dhigeen khilaafkii u dhaxeeyay Ruushka, Shiinaha iyo Mareykanka, waxayna usoo wada jeesteen khatarta kusoo fool leh, dhammaanteen waxaa niyaddeenna ku taagan soo noqoshada khilaafada, waxaan Alle weydiinsanaynaa inuu arrintaas ku xaqiijiyo gacanta koox mu’minad ah oo awood leh, taas oo karti u leh inay qaaddo culeyskaas, laakiin arrinkaas weyn ee khatarta ah ma habboona in lagu dhaqaaqo iyadoo aan lagu socon Qawaacid sharci ah oo saxan iyo iyadoo aan lala tashan hoggaanka Umadda iyo dadka Ahlul Xalli Wal Caqdiga ah.

Halkan Ka Akhriso Maqaalka oo Luqadda Carabiga Ku qoran